വളരെ ചെറുപ്പത്തിലേ മലയാളികളുടെ മനസ്സിൽ ഇടം പിടിച്ച താരമാണ് ഗണപതി. ഇപ്പോഴിതാ മലയാളത്തിന്റെ മെഗാസ്റ്റാർ മമ്മൂട്ടിയുടെ ദേഷ്യത്തിന് പിന്നിലെ രഹസ്യം വെളിപ്പെടുത്തിയിരിക്കുകയാണ് താരം.
മെഗാ സ്റ്റാർ മമ്മൂട്ടിയെ കുറിച്ച് പൊതുവെ പറഞ്ഞു കേൾക്കുന്ന ഒന്നാണ് അദ്ദേഹത്തിന്റെ മുൻകോപം. മമ്മൂട്ടി പെട്ടെന്ന് ദേഷ്യപ്പെടും എന്നും ശകാരിക്കും എന്നുമൊക്കെയുള്ള കാര്യങ്ങൾ ആണ് കൂടുതലായി പുറത്തു പരന്നിട്ടുള്ളത്. എന്നാൽ അതിനെ കുറിച്ച് ഗണപതിയുടെ വാക്കുകൾ ഇപ്പോൾ സോഷ്യൽ മീഡിയയിൽ വൈറൽ ആവുകയാണ്. സ്നേഹം ഉണ്ടായതു കൊണ്ടാണ് മമ്മുക്ക വഴക്കു പറയുന്നത് എന്നാണ് ഗണപതി പറയുന്നത്. അദ്ദേഹത്തിന് സ്നേഹം ഇല്ലെങ്കിൽ, പിന്നെ അദ്ദേഹം നമ്മളെ മൈൻഡ് ചെയ്യില്ല എന്നും എന്നാൽ നമ്മളോട് സ്നേഹം ഉണ്ടെങ്കിൽ അദ്ദേഹം നമ്മുടെ തെറ്റ് തിരുത്തുകയും തെറ്റ് ചെയ്താൽ ശകാരിക്കുകയും ചെയ്യും എന്നും ഗണപതി പറയുന്നു.
കൂടെ അഭിനയിച്ചപ്പോൾ ഒക്കെ മമ്മുക്ക ഒരുപാട് കാര്യങ്ങൾ പറഞ്ഞു തന്നു സഹായിച്ചിട്ടുണ്ട് എന്നും ഗണപതി ഓർത്തെടുക്കുന്നു. തനിക്കു ഒരുപാട് ഇഷ്ടമുള്ള നടനാണ് മമ്മുക്ക എന്നും എപ്പോഴും എന്ത് സഹായവും മമ്മുക്കയോടോ മമ്മുക്കയുടെ സന്തത സഹചാരിയായ ജോർജ് ചേട്ടനോടോ ചോദിക്കാം എന്നും ഗണപതി പറയുന്നു. ഇപ്പോൾ കൈ നിറയെ സിനിമകളുമായി മലയാള സിനിമയിൽ ഏറെ സജീവമാണ് ഗണപതി.
ബാലതാരം ആയി സിനിമയിൽ എത്തിയ ഗണപതി ഒട്ടേറെ മികച്ച പ്രകടനങ്ങളിലൂടെ പ്രേക്ഷകരുടെ മനസ്സിലെത്തി. അതിനു ശേഷം നായകനായി വരെ ഗണപതി അഭിനയിച്ചു. ഈ അടുത്തിടെ റിലീസ് ചെയ്ത ജിത്തു ജോസെഫ്- കാളിദാസ് ജയറാം ചിത്രമായ മിസ്റ്റെർ ആൻഡ് മിസ് റൗഡിയിലും ഗണപതി മികച്ച പ്രകടനം കാഴ്ച വെച്ചിരുന്നു. മോഹൻലാൽ, മമ്മൂട്ടി, ദിലീപ് തുടങ്ങി മലയാളത്തിലെ ഒട്ടു മിക്ക സൂപ്പർ താരങ്ങൾക്കു ഒപ്പവും അഭിനയിച്ചിട്ടുണ്ട് ഗണപതി.
ganapathi about mammootty