ഫഹദും കീര്‍ത്തിയും ഇനി മത്സരിക്കേണ്ടത് ബോളിവുഡ് താരങ്ങളോട്……
ബോളിവുഡ് താരങ്ങളോട് മത്സരിക്കാനൊരുങ്ങി ഫഹദ് ഫാസിലും കീര്‍ത്തി സുരേഷും. മെല്‍ബണ്‍ ഇന്ത്യന്‍ ഫിലിം ഫെസ്റ്റിവലില്‍ മികച്ച നടനും നടിയ്ക്കുമുള്ള മത്സര പട്ടികയിലാണ് ഫഹദും കീര്‍ത്തിയും ഇടം പിടിച്ചത്. തൊണ്ടിമുതലും ദൃക്‌സാക്ഷിയും എന്ന ചിത്രത്തിലെ മികച്ച അഭിനയമാണ് ഫഹദിനെ മികച്ച നടന്‍മാരുടെ പട്ടികയില്‍ ഇടം പിടിച്ചത്. ദുല്‍ഖറിനൊപ്പം അഭിനയിച്ച തെലുങ്ക് ചിത്രം മഹാനടിയിലെ മികച്ച പ്രകടനമാണ് കീര്‍ത്തി മികച്ച നടിമാരുടെ പട്ടികയില്‍ ഇടംപിടിച്ചത്.
ബോളിവുഡ് താരങ്ങള്‍ക്കൊപ്പമാണ് ഫഹദും കീര്‍ത്തിയും മത്സരിക്കുന്നത്. ബോളിവുഡ് താരങ്ങളായ രണ്‍ബീര്‍ കപൂര്‍, രണ്‍വീര്‍ സിംഗ്, അക്ഷയ് കുമാര്‍, വരുണ്‍ ധവാന്‍ ഷാഹിദ് കപൂര്‍, മനോജ് ബാജ്‌പേയ്, ബംഗാളി താരം സൗമിത്ര ചാറ്റര്‍ജി തുടങ്ങിയവരാണ് മികച്ച നടനുള്ള പുരസ്‌കാര പട്ടികയില്‍ ഇടംപിടിച്ചിരിക്കുന്നത്. വിദ്യാ ബാലന്‍, റാണി മുഖര്‍ജി, ദീപിക പദുക്കോണ്‍, ആലിയ ഭട്ട്, സൈറ വസീം, തിലോത്തമ ഷോം, ഭനിത ദാസ് എന്നിവരാണ് മികച്ച നടിയ്ക്കുള്ള പുരസ്‌കാര പട്ടികയില്‍ ഇടംപിടിച്ചിരിക്കുന്നത്.
ഇന്ത്യയ്ക്ക് പുറത്ത് നടക്കുന്ന ഫിലിം ഫെസ്റ്റുകളില്‍ ഏറ്റവും നിരൂപക ശ്രദ്ധ നേടിയ ചലച്ചിത്രോസ്തവമായ ഇന്ത്യന്‍ ഫിലിം ഫെസ്റ്റിവല്‍ ഓഫ് മെല്‍ബണ്‍ ഓഗസ്റ്റ് 10 മുതല്‍ 22 വരെയാണ് നടക്കുക.
Fahad Fazil Keerthi Suresh nominated in Melbourne film festival