ഷാരൂഖിന്റെ റാവണിൽ ചിട്ടിയായി രജനികാന്ത് തന്നെയാണോ വേഷമിട്ടത് , അതോ ഗ്രാഫിക്‌സോ ? – സത്യമിതാണ് ..
ശങ്കർ – രജനികാന്ത് കൂട്ടുകെട്ടിലൊരുങ്ങിയ 2.0 വിജയകരമായി പ്രദർശനം തുടരുകയാണ്. ഒന്നാം ഭാഗത്തിനാണ് ആരാധകർ ഏറെയെങ്കിലും 2 .0 ആളുകൾ ഏറ്റെടുത്തുകഴിഞ്ഞു. ആദ്യ ഭാഗം വന്നതിനു ശേഷം എട്ടു വർഷങ്ങൾ കഴിഞ്ഞാണ് 2.0 എത്തിയത്. എന്നാൽ ഇതിനിടക്ക് ഷാരൂഖ് ഖാന്റെ റാവണിൽ ചിട്ടി റോബോർട്ടായി രജനികാന്ത് എത്തിയിരുന്നു.
റാ വൺ സിനിമയിലെ രജനിയുടെ അതിഥിവേഷത്തിനു പിന്നിലും ഒരുകഥയുണ്ട്. രജനിയുടെ കടുത്ത ആരാധകനാണ് ഷാരൂഖ്. ഷാരൂഖിന്റെ നിർബന്ധപ്രകാരമാണ് റാ വൺ സിനിമയുടെ തിരക്കഥയിൽ രജനിയുടെ രംഗം എഴുതിചേര്‍ക്കാൻ ആവശ്യപ്പെടുന്നത്.
എന്നാൽ ഷൂട്ടിങിനായി രജനിയെ വിളിച്ചപ്പോൾ അദ്ദേഹം അസുഖബാധിതനായി ചികിത്സയിലായിരുന്നു. ഷാരൂഖ് പിന്നീട് അത് ഡ്യൂപ്പിനെ ഉപയോഗിച്ച് ചിത്രീകരിക്കാൻ തീരുമാനിച്ചു. അതിനിടെ ലണ്ടനിലെത്തിയ താരം രജനിയെ ചികിത്സിക്കുന്ന ഡോക്ടറെ നേരിൽ കാണാൻ ഇടയായി. അദ്ദേഹം കുറച്ച് ഭേദപ്പെട്ടെന്ന് അറിഞ്ഞതോടെ രജനിയെ നേരിട്ട് വിളിക്കാൻ ഷാരൂഖിന് ധൈര്യമായി.
തന്റെ ചിത്രത്തിൽ അഭിനയിക്കാൻ സാധിക്കുന്നതിൽ സന്തോഷം മാത്രമാണെന്നായിരുന്നു രജനിയുടെ മറുപടി. അദ്ദേഹം ഇപ്പോഴും ആരോഗ്യവാനല്ലെന്നും ഒരുമാസം കൂടി വിശ്രമം വേണമെന്നാണ് പറഞ്ഞിരിക്കുന്നതെന്നും സ്നേഹപൂർവം ഷാരൂഖിനോട് പറഞ്ഞു.
എന്നാല്‍ നാലുദിവസത്തിനു ശേഷം രജനിയുടെ മകൾ സൗന്ദര്യ ഷാരൂഖിനെ വിളിച്ചു. ഷൂട്ടിങിന് വരാമെന്ന് സമ്മതിച്ചു. അങ്ങനെ ആക്‌ഷൻ രംഗങ്ങൾ പൂർണമായും ഒഴിവാക്കി ആ രംഗം ചിത്രീകരിക്കുകയായിരുന്നു. മകൾ സൗന്ദര്യയ്ക്കൊപ്പം മുംബൈയിൽ എത്തിയാണ് അസുഖസമയത്തും രജനി ആ രംഗം ഷാരൂഖിനായി അഭിനയിച്ചത്.
ഔദ്യോഗിക രേഖകളിൽ രജനികാന്ത് അഭിനയിച്ചെന്നാണ് വിലയിരുത്തുന്നതെങ്കിലും സിജി ഗ്രാഫിക്സിന്റെ സഹായത്താലാണ് അദ്ദേഹത്തെ പുനഃസൃഷ്ടിച്ചതെന്നും റിപ്പോർട്ട് ഉണ്ട്.
controversial guest appearance of rajanikanth in ra one as chitty robort