വെള്ളക്കെട്ടിൽ അകപ്പെട്ട് നടി അനന്യയും.
കേരളത്തിൽ മഴ കനക്കുകയാണ് . നിരവധി താരങ്ങൾ പ്രളയ ബാധിതരെ സഹായിക്കണമെന്ന് അഭ്യർത്ഥിച്ചിരുന്നു. ഇപ്പോൾ നടി അനന്യ ഫെയ്സ്ബുക്കിൽ ലൈവിൽ അഭ്യര്ഥനയുമായെത്തി . പെരുമ്പാവൂരിലെ അനന്യയുടെ വീടിന് സമീപം വെള്ളം കയറിയിരുന്നു. ഈ സാഹചര്യത്തിലാണ് ലൈവ് വിഡിയോ.
”അസാധാരണ സാഹചര്യമാണ് നിലവിലുള്ളത്. 28 വർഷമായി പെരുമ്പാവൂരിൽ ജീവിക്കുന്നയാളാണ് ഞാൻ. ആദ്യമായാണ് ഇത്തരമൊരു സാഹചര്യം നേരിടേണ്ടിവരുന്നത്”, അനന്യ പറയുന്നു.സംസ്ഥാനത്തെമ്പാടും കനത്തമഴയും കാറ്റും വെള്ളപ്പൊക്കവും മണ്ണിടിച്ചിലും തുടരുന്നു.
ദുരന്തപ്പെയ്ത്തില്‍ 9 പേര്‍ മരിച്ചു. മലപ്പുറത്ത് വീട് തകര്‍ന്ന് ദമ്പതികളും മകനും മൂന്നാറില്‍ ലോഡ്ജ് തകര്‍ന്ന് ഒരാളും മരിച്ചു. ആലപ്പുഴയില്‍ മീന്‍പിടുത്തബോട്ട് മുങ്ങി മൂന്നുപേരെ കാണാതായി. ഞായറാഴ്ച വരെ കനത്ത മഴ തുടരുമെന്നാണ് മുന്നറിയിപ്പ്.
ananya facebook live