ഹരിശ്രീ അശോകൻ സംവിധാനം ചെയ്യുന്ന ആൻ ഇന്റർനാഷണൽ ലോക്കൽ സ്റ്റോറിയിലെ അടിച്ചുപൊളി ഗാനം എത്തി.മലയുടെ മേലെ കാവിൽ എന്ന ഗാനത്തിൽ മണിക്കുട്ടൻ , സുരഭി സന്തോഷ് , ഹരിശ്രീ അശോകൻ , തുടങ്ങി ഒട്ടു മിക്ക താരങ്ങളും അണിനിരക്കുന്നുണ്ട് .
രാജീവ് ആലുങ്കലിന്റെ വരികൾക്ക് നാദിര്ഷയാണ് ഈണം നൽകിയിരിക്കുന്നത്. അടിച്ചുപൊളി ഗാനങ്ങളിലൂടെ മനസ് കവർന്ന ഗായകൻ അഫ്സൽ ആണ് ഈ ഗാനവും ആലപിച്ചിരിക്കുന്നത്. ഗോപി സുന്ദർ, നാദിർഷ, അരുൺ രാജ് തുടങ്ങിയവർ ആണ് ചിത്രത്തിന്റെ സംഗീതം ഒരുക്കുന്നത്. ആൽബി ആന്റണി ആണ് ചിത്രത്തിന്റെ ഛായാഗ്രഹണം. എസ് സ്‌ക്വയർ സിനിമാസിന്റെ ബാനറിൽ എം. ഷിജിത്ത് ആണ് ചിത്രത്തിന്റെ നിർമാണം നിർവഹിക്കുന്നത്.
ഹാസ്യത്തിന് മുഖ്യപങ്ക് നൽകി ഒരുക്കിയിരിക്കുന്ന ചിത്രത്തിൽ രാഹുൽ മാധവ് ആണ് നായക കഥാപാത്രത്തെ അവതരിപ്പിക്കുന്നത്. സംവിധായകനൊപ്പം മലയാള സിനിമയിൽ പ്രവർത്തിച്ച ഒട്ടുമിക്ക ഹാസ്യ താരങ്ങളും അണിനിരക്കുന്നുണ്ട്. സലീം കുമാർ, ഇന്നസെന്റ്, ധർമ്മജൻ ബോൽഗാട്ടി, മനോജ് കെ ജയൻ, ബിജുക്കുട്ടൻ , ടിനി ടോം, കലാഭവൻ ഷാജോൺ, അബു സലീം, ബൈജു തുടങ്ങി വലിയ താരനിര തന്നെയുണ്ട് ചിത്രത്തിൽ.
an international local story song