കാവ്യാ മാധവൻ കൈക്കുഞ്ഞുമായി വനിതാ മതിലിൽ അണിചേരുമെന്നു മാധ്യമപ്രവർത്തകൻ
സംസ്ഥാന സർക്കാരിന്റെ വനിതാ ആശയത്തിന് നൽകിയ പിന്തുണ മഞ്ജു വാര്യർ പിൻവലിച്ചത് വലിയ വിവാദങ്ങളാണ് സൃഷ്ടിച്ചത്. നിലപാടുകളിൽ ഉറച്ചു നിൽക്കാത്ത നടി എന്നും മറ്റുമാണ് മഞ്ജു വാര്യരെ വിമർശകർ വിശേഷിപ്പിച്ചത്. മഞ്ജുവിനെ പരിഹസിച്ച് രാഷ്ട്രീയ നിരീക്ഷകനായ അഡ്വക്കേറ്റ് ജയശങ്കർ രംഗത്തെത്തിയിരിക്കുകയാണ്.
മട്ടുപ്പാവിലെ പച്ചക്കറി കൃഷി എന്ന പോലെ എന്തോ സർക്കാർ പരിപാടിയാണെന്നാവും മഞ്ജു കരുതിയിരിക്കുക എന്നാണ് ജയശങ്കർ പരിഹസിച്ചിരിക്കുന്നത്. മഞ്ജുവിനെ വിമര്ശിക്കുന്നതിനൊപ്പം കാവ്യാ മാധവൻ കൈകുഞ്ഞിനൊപ്പം വനിതാ മതിലിൽ ആനി ചേരുമെന്നാണ് ജയശങ്കർ പറയുന്നത്.
ജയശങ്കറിന്റെ പോസ്റ്റ് പൂർണരൂപം.
മഞ്ജു വാര്യർ വനിതാ മതിലിനുളള പിന്തുണ പിൻവലിച്ചു.
സമസ്ത കേരള വാര്യർ സമാജം നവോത്ഥാന മൂല്യങ്ങളെയും വനിതാ മതിലിനെയും എതിർക്കുന്നതു കൊണ്ടല്ല, ഒടിയൻ സിനിമക്കെതിരെ നടന്ന ഒടിവിദ്യയിൽ മനംനൊന്തിട്ടുമല്ല മഹാനടി മനസ്സു മാറ്റിയത്.
മട്ടുപ്പാവിലെ പച്ചക്കറി കൃഷി പോലെ എന്തോ സർക്കാർ പരിപാടിയാണ്‌ വനിതാ മതിൽ എന്നാണ് മഞ്ജു കരുതിയത്രേ. മതിലിനു രാഷ്ട്രീയവും മതവും ജാതിയും ഉപജാതിയും നവോത്ഥാന പാരമ്പര്യവും ഉണ്ടെന്ന് സ്വപ്നേപി അറിഞ്ഞില്ല.
കലയാണ് മഞ്ജു വാര്യരുടെ രാഷ്ട്രീയം. സിനിമ, നൃത്തം, പരസ്യം- അതിനപ്പുറം ഒരു രാഷ്ട്രീയവും അറിയില്ല, പറയില്ല, താല്പര്യമില്ല. അതുകൊണ്ട് മതിലു പണിയിൽ നിന്ന് സവിനയം പിന്മാറുന്നു. സോറി.
മഞ്ജു വാര്യർ പിൻമാറിയതോടെ വനിതാ മതിൽ വിജയിപ്പിക്കേണ്ടത് ‘അമ്മ’സംഘടനയുടെയും ദിലീപ് ഫാൻസ്‌ അസോസിയേഷൻ്റെയും അഭിമാനപ്രശ്നമായി മാറി. കാവ്യ മാധവൻ കൈക്കുഞ്ഞുമായി വനിതാ മതിലിൽ അണിചേരാനും സാധ്യത.
# ജനപ്രിയ നായകനൊപ്പം,
നവോത്ഥാന മൂല്യങ്ങൾക്കൊപ്പം.
Advocate jayasankars viral post