ഡെറിക് കീഴടക്കിയത് വമ്പൻ റെക്കോര്‍ഡുകള്‍ ?! അബ്രഹാമിന്റെ സന്തതികളുടെ ഫൈനല്‍ കളക്ഷന്‍ പുറത്ത് !!
മമ്മൂട്ടി ആരാധകര്‍ ഏറെ ആഘോഷമാക്കിയ ചിത്രമാണ് ഹനീഫ് അഡീനി തിരക്കഥയൊരുക്കി ഷാജി പാടൂർ സംവിധാനം ചെയ്‌ത അബ്രഹാമിന്റെ സന്തതികള്‍. ഹനീഫ് അദേനി- മമ്മൂട്ടി- ഷാജി പാടൂര്‍ കൂട്ടുകെട്ടിൽ ജനങ്ങൾ വിശ്വാസമർപ്പിച്ചപ്പോൾപിറന്നത് ഈ വർഷത്തെ വമ്പൻ ഹിറ്റുകളിൽ ഒന്നായിരുന്നു. കളക്ഷന്‍ റെക്കോര്‍ഡുകള്‍ പലതും തകര്‍ത്ത ചിത്രമായിരുന്നു അബ്രഹാം.
വളരെ പെട്ടന്നായിരുന്നു ചിത്രം 50 കോടി ക്ലബില്‍ ഇടം പിടിച്ചത്. ചിത്രം നൂറ് കോടി കടക്കും എന്നായിരുന്നു സിനിമാ വിദഗ്ധരുടെ നിരീക്ഷണം. എന്നാല്‍, നൂറിന്റെ പടിവാതില്‍ക്കല്‍ വരെ എത്താനേ അബ്രഹാമിന്റെ സന്തതികള്‍ക്ക് കഴിഞ്ഞുള്ളു.
സിനിമയുടെ മുഴുവന്‍ കളക്ഷന്‍ നിർമ്മാതാക്കൾ പുറത്തു വിടാത്തത് ഒരു മത്സരത്തിന് കാരണമാകണ്ട എന്ന് കരുതിയാണ്. എന്നാല്‍, മലയാളത്തിലെ ഏറ്റവും വലിയ കളക്ഷന്‍ നേടിയ രണ്ടാമത്തെ ചിത്രമായി അബ്രഹാമിന്റെ സന്തതികള്‍ .മാറിയെന്ന് അണിയറ പ്രവര്‍ത്തകര്‍ തന്നെ അറിയിച്ചിരുന്നു. എന്നാല്‍, ഇപ്പോഴിതാ ചിത്രത്തിന്റെ ഫൈനല്‍ കളക്ഷന്‍ 77 കോടിയാണെന്ന റിപ്പോർട്ടുകൾ പുറത്തു വന്നിരിക്കുകയാണ്.
130 കോടി കളക്ഷന്‍ സ്വന്തമാക്കിയ പുലിമുരുകന്‍ ആണ് ഒന്നാം സ്ഥാനത്ത്. കഴിഞ്ഞ വര്‍ഷം പുറത്തിറങ്ങിയ രാമലീല അബ്രഹാമിന്റെ സന്തതികളുടെ പിന്നിലാണ്. അതേസമയം, കളക്ഷന്‍ റിപ്പോര്‍ട്ടിന്റെ കൃത്യമായ കണക്ക് പുറത്തുവിടാന്‍ അണിയറ പ്രവര്‍ത്തകര്‍ ഇപ്പോഴും തയ്യാറായിട്ടില്ല.
Abrahaminte Santhathikal final collection