ഇപ്പോൾ തമിഴ് സിനിമ ലോകത്തെ ചർച്ച വിഷയമാണ് രജനികാന്തിന്റെ രണ്ടാമത്തെ മകൾ സൗന്ദര്യയുടെ രണ്ടാം വിവാഹം. താര സമ്പന്നമായ വിവാഹത്തിൽ സിനിമയിലെയും രാഷ്ട്രീയത്തിലെയും സമൂഹത്തേയും പ്രമുഖർ പങ്കെടുത്തു.
എന്നാൽ സൗന്ദര്യയുടെ രണ്ടാം ഭർത്താവിനെ പറ്റി ആർക്കും അത്ര ധാരണയില്ല. നടനും വ്യവസായിയുമായ വിശാഖന് വനങ്കമുടിയെയാണ് സൗന്ദര്യ വിവാഹം ചെയ്തത്. സൗന്ദര്യയുടേയും വിശാഖന്റേയും രണ്ടാം വിവാഹമാണിത്. മുന് ഭര്ത്താവ് അശ്വിനുമായി സൗന്ദര്യ 2017 ലാണ് വിവാഹമോചനം നേടിയത്. ഈ ബന്ധത്തില് ഒരു മകന് ഉണ്ട്.
സൗന്ദര്യയെപ്പോലെ വിശാഖന്റേയും രണ്ടാം വിവാഹമാണിത്. ഡിഎംകെ നേതാവ് കെപികെ കുമാരന്റെ മകള് കനിഖ കുമാരനെയാണ് വിശാഖന് ആദ്യം വിവാഹം ചെയ്തത്. വിവാഹ ബന്ധം വേര്പെടുത്തിയതിന് ശേഷം കനിഖ , നടി ത്രിഷയുമായി ആദ്യം കല്യാണം ഉറപ്പിച്ച വരുണ് മണിയനെയാണ് വിവാഹം ചെയ്തത്. സൗന്ദര്യയുടെ കുടുംബസുഹൃത്തായിരുന്ന വിശാഖന് അശ്വിന്റെ സുഹൃത്തു കൂടിയാണ്. ഇപ്പോള് തന്റെ കുടുംബത്തിന്റെ ബിസിനസ് നോക്കി നടത്തുകയാണ് വിശാഖര്.
about soundarya rajanikanth’s husband