മലയാളികൾക്ക് അഭിമാന സിനിമകൾ സമ്മാനിച്ച സംവിധായകനാണ് പ്രിയദർശൻ . ഒട്ടേറെ ചിത്രങ്ങൾ വിവിധ ഭാഷകളിലായി പ്രിയദർശൻ ചെയ്തിട്ടുണ്ട്. ഇപ്പോൾ മലയാളത്തിൽ മരയ്ക്കാർ , അറബിക്കടലിന്റെ സിംഹം എന്ന ചിത്രമാന് മോഹൻലാലിനെ നായകനാക്കി പ്രിയദർശൻ ചെയ്തിരിക്കുന്നത്.
ഇപ്പോൾ ചർച്ചയാകുന്നത് പ്രിയദർശന്റെ പരസ്യ ചിത്രമാണ്. ഇത്തവണ അദ്ദേഹം സംവിധാനം ചെയ്ത പരസ്യ ചിത്രത്തിന് ഒരു വലിയ പ്രത്യേകത ഉണ്ട്. മലയാളികളുടെ സ്വന്തം കുഞ്ഞിക്കാ ദുൽഖർ സൽമാനാണ് പ്രിയദർശൻ പുതിയതായി സംവിധാനം ചെയ്ത പരസ്യ ചിത്രത്തിൽ നായകനായി അഭിനയിക്കുന്നത്.ആംസ്ട്രാഡ് എന്ന കമ്പനിയുടെ പരസ്യമാണ് പ്രിയദർശൻ ദുൽഖർ സൽമാനെ വെച്ച് ഒരുക്കിയിരിക്കുന്നത്.
പ്രിയദർശൻ ഒപ്പം ജോലി ചെയ്യാൻ സാധിച്ചതിന്റ സന്തോഷം പങ്കു വച്ചു കൊണ്ടാണ് ദുൽഖർ സൽമാൻ തന്റെ പേജിലൂടെ പരസ്യ ചിത്രം പുറത്തുവിട്ടത് കുട്ടിക്കാലം മുതൽ പരിചയമുള്ള ആളുകളുടെ കൂടെ പ്രവർത്തിക്കാൻ കഴിഞ്ഞതിൽ വലിയ സന്തോഷമുണ്ട് എന്നും അദ്ദേഹം പറഞ്ഞു. ദുൽഖറിനൊപ്പം മണിയൻപിള്ള രാജുവിന്റെ മകൻ നീരജും പ്രശസ്ത നടി പാർവ്വതി നായരും ഈ ചിത്രത്തിൽ അഭിനയിച്ചിട്ടുണ്ട്. ഏകദേശം 40 സെക്കൻഡ് ദൈർഘ്യമുള്ള ഈ ഈ ചിത്രത്തിൽ ദുൽഖർ സൽമാന്റെ പുതിയ ലുക്ക് പുറത്ത് വന്നിരിക്കുകയാണ്.