നടൻ സൂരജ് പഞ്ചോളിയ്ക്ക് ഷൂട്ടിം​ഗിനിടെ പൊള്ളലേറ്റു, ​ഗുരുതര പരിക്ക്

ബോളിവു‍ഡിൽ നിരവധി ആരാധകരുള്ള താരമാണ് സൂരജ് പഞ്ചോളി. ഇപ്പോഴിതാ പുറത്ത് വരുന്ന വിവരമനുസരിച്ച് നടന് പരിക്കേറ്റിരിക്കുകയാണ്. മുംബൈയിലെ ഒരു ഫിലിം സിറ്റിയിൽ ആക്ഷൻ രം​ഗം ചിത്രീകരിക്കുന്നതിനിടെയാണ് നടന്റെ ദേഹത്ത് അ​ഗ്നി പടർന്നത് പിടിക്കുകയായിരുന്നു. കേസരി വീർ ലെജൻ്റ് ഓഫ് സോംനാഥ് എന്ന പിരീഡ് ഡ്രാമ ചിത്രത്തിന്റെ ഷൂട്ടിം​ഗിനിടെയാണ് സംഭവം.

കരിമരുന്ന് ഉപയോ​ഗിച്ചുള്ള സ്ഫോടനത്തിനിടെയാണ് പൊള്ളലേറ്റത്. നിർണായക രം​ഗത്തിൽ സ്ഫോടനത്തിന് മുകളിലൂടെ പ‍‌ഞ്ചോളി ചാടുന്നതിനിടെയാണ് പൊള്ളലേറ്റത്. തുടകളിലും അരയ്‌ക്ക് താഴെയും കൈതണ്ടയിലുമാണ് പൊള്ളലേറ്റത്.

തീരുമാനിച്ചതിലും നേരത്തെ സ്ഫോടനം നടന്നതാണ് പ്രശ്നമായത്. മാത്രല്ല, കൂടുതൽ കരിമരുന്ന് ഉപയോ​ഗിച്ചതിനാൽ തീപിടിത്തം രൂക്ഷമാവുകയായിരുന്നുവെന്നും റിപ്പോർട്ടുകളുണ്ട്.

എന്നാൽ കരിമരുന്ന് സ്ഫോടനത്തിന്റെ കഠിനമായ വേദന ഉണ്ടായിരുന്നിട്ടും, സൂരജ് ഇടവേള എടുക്കാൻ വിസമ്മതിക്കുകയും ഷൂട്ടിംഗ് തുടരുകയും ചെയ്തു. നടന്റെ ആരോഗ്യനില നിരീക്ഷിക്കുന്നതിനായി ഒരു മെഡിക്കൽ സംഘം സെറ്റിൽ ഉണ്ടായിരുന്നുവെന്നുമാണ് വിവരം.

Vijayasree Vijayasree :