മലയാളികളുടെ പ്രിയപ്പെട്ട താരമാണ് ടൊവിനോ തോമസ്. സോഷ്യല്‍ മീഡിയയില്‍ വളരെ സജീവമായ താരം ഇടയ്ക്കിടെ തന്റെ ചിത്രങ്ങളും വിശേഷങ്ങളുമെല്ലാം തന്നെ പങ്കുവെച്ച് എത്താറുണ്ട്. ഇപ്പോഴിതാ സോഷ്യല്‍മീഡിയയില്‍ ഇപ്പോള്‍ വൈറലായിരിക്കുന്നത് ഒരു ശരീരസൗന്ദര്യ മത്സരത്തിന്റെ ഫോട്ടോയാണ്.
2005ല്‍ നടന്ന ഈ ശരീര സൗന്ദര്യ മത്സരത്തിന് ഇപ്പോള്‍ എന്താണ് പ്രസക്തിയെന്ന് ചോദിക്കാന്‍ വരട്ടെ. ഈ മത്സരത്തില്‍ പങ്കെടുത്ത ഒരാള്‍ ഇന്ന് മലയാള സിനിമയിലെ മിന്നും താരമാണ്. മറ്റാരുമല്ല അത് മലയാളികളുടെ സ്വന്തം മിന്നല്‍ മുരളിയായ ടോവിനോ തോമസ്.
2005ല്‍ നടന്ന മിസ്റ്റര്‍ തൃശൂര്‍ മത്സരത്തില്‍ ടോവിനോ പങ്കെടുത്തതിന്റെ ഫോട്ടോയാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. മത്സരത്തില്‍ 35 ാം നമ്പറുകാരനായാണ് ടോവിനോ പങ്കെടുക്കുന്നത്. അതേസമയം, പഠിക്കുന്ന കാലത്തു തന്നെ ശരീര സൗന്ദര്യത്തില്‍ ഇത്രയും ശ്രദ്ധിക്കുന്ന ആളായിരുന്നോ ടോവിനോ എന്നാണ് ആരാധകര്‍ ചോദിക്കുന്നത്.
ഇന്ന് മലയാളികളുടെ പ്രിയപ്പെട്ട താരങ്ങളില്‍ ഒരാളാണ് ടൊവിനോ തോമസ്. 2012ല്‍ പ്രഭുവിന്റെ മക്കള്‍ എന്ന സിനിമയിലൂടെ അഭിനയലോകത്തേക്ക് എത്തിയ താരം ഈ വര്‍ഷം തന്റെ അഭിനയജീവിതത്തില്‍ 10 വര്‍ഷം പൂര്‍ത്തിയാക്കി.
അഭിനയജീവിതത്തില്‍ വഴിത്തിരിവായത് ഗപ്പി എന്ന സിനിമ ആയിരുന്നു. ബേസില്‍ ജോസഫ് സംവിധാനം ചെയ്ത മിന്നല്‍ മുരളി എന്ന സിനിമയിലൂടെ മലയാളികളുടെ സൂപ്പര്‍ ഹിറോ ആയി മാറി ടോവിനോ.