സിനിമയിൽ അഭിനയിച്ചിട്ടില്ലെങ്കിലും ഇന്ദ്രജിത്തും പൂർണിമയുടേയും മകൾ പ്രാർത്ഥയ്ക്ക് ആരാധകർ ഏറെയാണ്. പ്രാർത്ഥനയ്ക്കിഷ്ടം പാട്ടിന്റെ ലോകമാണ്. മലയാളത്തിലും ബോളിവുഡിലുമെല്ലാം ഗായിക എന്ന രീതിയിൽ പ്രാർത്ഥന അരങ്ങേറ്റം കുറിച്ചു കഴിഞ്ഞു.
സാമൂഹ്യ മാധ്യമങ്ങളിലും ഏറെ സജീവമാണ് പ്രാർത്ഥന. കഴിഞ്ഞ ദിവസം പ്രാർത്ഥന ഷെയർ ചെയ്ത ചിത്രങ്ങളും അതിന് പൂർണിമ നൽകിയ കമന്റുമാണ് ഇപ്പോൾ ശ്രദ്ധ നേടുന്നത്.
മുംബൈയിലാണ് പ്രാർത്ഥന ഇപ്പോഴുള്ളത്. “നിന്നെ മിസ്സ് ചെയ്യുന്നു, വേഗം തിരിച്ചുവരൂ,” എന്നാണ് ചിത്രത്തിനു താഴെ പൂർണിമ കുറിക്കുന്നത്.
പാട്ടും ഗിത്താർ വായനയും ഡബ്സ്മാഷുമൊക്കെയായി സോഷ്യൽ മീഡിയയിൽ സജീവമാണ് പ്രാർത്ഥന. പ്രാർത്ഥനയുടെ പല ഗാനങ്ങളും വൈറലാണ്. മലയാളം, ഹിന്ദി, ഇംഗ്ലീഷ് തുടങ്ങിയ പാട്ടുകൾ പാടിയുളള പ്രാർത്ഥനയുടെ വീഡിയോകൾക്ക് ആരാധകരും നിരവധിയാണ്.
മലയാളത്തിൽ മോഹൻലാൽ, ടിയാൻ, കുട്ടൻപിള്ളയുടെ ശിവരാത്രി, ഹെലെൻ തുടങ്ങിയ ചിത്രങ്ങളിൽ പ്രാർത്ഥന പാടിയിട്ടുണ്ട്. ബിജോയ് നമ്പ്യാർ സംവിധാനം ചെയ്ത ‘തായ്ഷി’നു വേണ്ടി ‘രേ ബാവ്‌‌രെ’ എന്ന പാട്ട് പാടിയായിരുന്നു ബോളിവുഡിൽ പ്രാർത്ഥനയുടെ അരങ്ങേറ്റം.