സോഷ്യൽ മീഡിയയിൽ സജീവമാണ് സംവിധായകനും നടനുമായ രമേഷ് പിഷാരടി. ഇപ്പോഴിതാ നടന്റെ പുതിയ ഫോട്ടോ സോഷ്യൽ മീഡിയയിൽ വൈറലാകുന്നു.
‘ലിറ്റില് ബൈ ലിറ്റില്, എ ലിറ്റില് ബികംസ് എ ലോട്ട്’ ( Little by little, A little becomes a lot) എന്ന് ക്യാപ്ഷനും എഴുതിയാണ് രമേഷ് പിഷാരടി ഫോട്ടോ പങ്കുവെച്ചിരിക്കുന്നത്. ‘നോ വേ ഔട്ട്’ എന്ന് ഷര്ട്ടില് പ്രിന്റ് ചെയ്തിരിക്കുന്നതും കാണാം. രമേഷ് പിഷാരടിയുടെ ഫോട്ടോ ആരാധകര് ഏറ്റെടുത്തിരിക്കുകയാണ്.
നിധിന് ദേവീദാസിന്റെ സംവിധാനത്തില് രമേഷ് പിഷാരടി നായകനാകുന്ന ചിത്രമായ ‘നോ വേ ഔട്ടി’ന്റെ ട്രെയിലര് കഴിഞ്ഞ ദിവസം പുറത്തുവിട്ടിരുന്നു. ‘നോ വേ ഔട്ട്’ ട്രെയിലര് ഓണ്ലൈനില് തരംഗമായിരുന്നു
സര്വൈവല് ത്രില്ലര് വിഭാഗത്തില് പെടുന്ന ‘നോ വേ ഔട്ട്’ ഏപ്രില് 22ന് തിയറ്ററുകളില് റിലീസ് ചെയ്യും. ജോസഫ്, രവീണ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നു. ഛായാഗ്രഹണം വർഗീസ് ഡേവിഡ്. ഒരു കുരുക്കില് നിന്ന് പുറത്തുകടക്കാൻ രമേഷ് പിഷാരടി നടത്തുന്ന വേറിട്ട ശ്രമങ്ങളുടെ അഭിനയപ്രകടനം ‘നോ വേ ഔട്ടി’ല് കാണാമെന്നാണ് ട്രെയിലറില് നിന്ന് ലഭിക്കുന്ന സൂചന.
സംഗീതം കെ ആർ രാഹുൽ. കലാസംവിധാനം ഗിരീഷ് മേനോൻ. വസ്ത്രാലങ്കാരം സുജിത് മട്ടന്നൂർ. മേക്കപ്പ് അമൽ ചന്ദ്രൻ. സംഘട്ടനം മാഫിയ ശശി. ചീഫ് അസോസിയേറ്റ് ഡയറക്ടർ ആകാശ് രാംകുമാർ. സ്റ്റിൽസ് ശ്രീനി മഞ്ചേരി. ചീഫ് അസോസിയേറ്റ് ഡയറക്ടർ ആകാശ് രാംകുമാർ. വാർത്താ പ്രചരണം എ എസ് ദിനേശ്.