ഊഴം, ജോമോന്റെ സുവിശേഷങ്ങള്, ഈ രണ്ട് ചിത്രങ്ങൾ മാത്രം മതി നടി രസ്നയെ മറക്കാതിരിക്കാൻ. പൃഥ്വിരാജിന്റെയും ദുല്ഖറിന്റെയും സഹോദരിയായാണ് രസ്ന രണ്ട് ചിത്രങ്ങളിലും എത്തിയത്. ഊഴം സിനിമയുടെ ആദ്യ ദിന ഷൂട്ടിംഗിനെ കുറിച്ചുള്ള രസകരമായ വിശേഷങ്ങളാണ് രസ്ന ഒരു അഭിമുഖത്തില് വ്യക്തമാക്കിയിരിക്കുന്നത്.
മേക്കപ്പ്മാന് മുന്നില് ഇരുന്നപ്പോള് കൂടുതല് സുന്ദരിയാവും എന്നായിരുന്നു കരുതിയത്. എന്നാല് മുഖത്ത് നീലനിറമൊക്കെ തന്ന് ഒരുമാതിരിയാക്കി. മരിച്ച് കിടക്കുന്ന രംഗമായിരുന്നു ആദ്യ ദിനത്തില്. നല്ല സ്റ്റൈലായി പോയതിന് ശേഷമായിരുന്നു ഇത്. ബാലചന്ദ്രമേനോന് സാറും സീത മാമും നേരത്തെ തന്നെ ഇത് പോലെ കിടക്കുകയായിരുന്നു. അത് കണ്ടപ്പോള് എനിക്കും സന്തോഷമായി, കൂട്ടാളികളുണ്ടല്ലോ എന്നാണ് രസ്ന പറയുന്നത്.
വില്ലനൊക്കെ വന്ന് അറ്റാക്ക് ചെയ്യുന്ന രംഗത്തില് പേടിച്ച് പോയിരുന്നു. ആ രംഗം ചളമാക്കുമോയെന്ന ആശങ്കയായിരുന്നു സംവിധായകന് ജീത്തു ജോസഫിന് എന്നാണ് രസ്ന പറഞ്ഞത്.