തെന്നിന്ത്യൻ ആരാധകരുടെ പ്രിയ നടനാണ് റാണാ ദഗ്ഗുബാട്ടി . ബാഹുബലിയിലെ പൽവാൽ ദേവനായി വേഷമിട്ട റാണായെ ആണ് എല്ലാവര്ക്കും പരിചയം . ഇപ്പൊൾ അമ്പരപ്പിക്കുന്ന ഒരു ആവശ്യവുമായി എത്തിയിരിക്കുകയാണ് റാണ .
താന്‍ നായകനായെത്തുന്ന ചിത്രം കാണരുതെന്ന് ആരാധകരോട് റാണാ ദഗ്ഗുബാട്ടി ആവശ്യപ്പെടുന്നത് . തന്റെ പുതിയ ചിത്രമായ 1945 കാണരുതെന്നാണ് നടന്‍ ആവശ്യപ്പെട്ടിരിക്കുന്നത്. പൂര്‍ത്തിയാവാത്ത ചിത്രമാണിതെന്നും തന്റെ ശമ്ബളം മുഴുവന്‍ തന്നിട്ടില്ലെന്നും കഴിഞ്ഞ ഒരു വര്‍ഷമായി ഈ ചിത്രത്തെ കുറിച്ച്‌ ഒന്നും കേട്ടിരുന്നില്ലെന്നും റാണ ദഗ്ഗുപതി പറഞ്ഞു.
ഫസ്റ്റ് ലുക്ക് പോസ്റ്റര്‍ ദീപാവലിയോടനുബന്ധിച്ച്‌ നിര്‍മ്മാതാക്കള്‍ റിലീസ് ചെയ്തിരുന്നു. ആളുകളെ പറ്റിച്ച്‌ പണം തട്ടാനുള്ള പരിപാടിയാണെന്നും അതിനെ പ്രോത്സാഹിപ്പിക്കരുതെന്നും റാണ പറഞ്ഞു.
രണ്ട് വര്‍ഷം മുമ്ബാണ് ചിത്രം അനൗണ്‍സ് ചെയ്തത്. 1945ല്‍ നേതാജി സുഭാഷ് ചന്ദ്രബോസിന്റെ ഐ.എന്‍.എയില്‍ പ്രവര്‍ത്തിച്ച ഒരു സൈനികന്റെ വേഷമാണ് റാണ അവതരിപ്പിച്ചിരിക്കുന്നത്. നവംബറില്‍ റിലീസ് ചെയ്യുമെന്നാണ് പോസ്റ്ററില്‍ പറയുന്നത്.
rana daggubati about his new movie