പുതിയ ചിത്രം ദര്ബാറിന്റെ ഷൂട്ടിംഗ് തിരക്കുകളിൽ ആണ് സൂപ്പർസ്റ്റാർ രജനികാന്ത് . എന്നാൽ തിരക്ക് മാറ്റിവെച്ച്‌ ആശുപത്രിയില്‍ കിടക്കുന്ന സഹോദരനെ കാണാനെത്തിസൂപ്പര്‍ താരം രജനികാന്ത് . എആര്‍ മുരുഗദോസ് സംവിധാനം ചെയ്യുന്ന ദര്ബാറിന്റെ ചിത്രീകരണം മുംബൈയില്‍ പുരോഗമിക്കുന്നതിനിടെയാണ് താരം ബംഗളൂരുവിലെ ആശുപത്രിയിലെത്തി സഹോദരനെ കണ്ടത്. കാലില്‍ ശസ്ത്രക്രിയയ്ക്ക് വിധേയനായി ആശുപത്രിയില്‍ കഴിയുകയാണ് സഹോദരന്‍ സത്യനാരായണ്‍ റാവു.
സഹോദരനെ കാണാനായി ദര്‍ബാര്‍ സെറ്റില്‍ നിന്നും താരം എത്തിയത് സോഷ്യല്‍മീഡിയയിലും വലിയ വാര്‍ത്തയായി. സന്ദര്‍ശനത്തിന് ശേഷം ആരാധകരുടെ ദളപതി വൈകാതെ തിരികെ സെറ്റില്‍ എത്തുകയും ചെയ്തു.
സന്ദര്‍ശനത്തിന് ശേഷം, രജനികാന്തും സഹോദരനും കുടുംബവുമൊത്തുള്ള ചിത്രങ്ങള്‍ ഇപ്പോള്‍ സോഷ്യല്‍ മീഡിയയില്‍ വൈറലാകുകയാണ്. രജനികാന്തിനൊപ്പം നയന്‍താരയാണ് ചിത്രത്തില്‍ നായികയായി എത്തുന്നത്. ചിത്രത്തിന്റെ ലൊക്കേഷന്‍ ചിത്രങ്ങള്‍ കഴിഞ്ഞ ദിവസം പുറത്തു വന്നിരുന്നു.
rajinikanth visits hospitalized brother