മലയാള സിനിമയിലെ ക്യൂട്ട് നായികമാരിൽ ഒരാളാണ് കല്യാണി പ്രിയദർശൻ. സംവിധായകൻ പ്രിയദർശന്റെയും നടി ലിസ്സിയുടെയും മകളാണ് കല്യാണി.വളരെ ചുരുങ്ങിയ കാലം കൊണ്ട് മലയാളികളുടെ മനസിൽ ഇടംനേടാൻ കല്യാണിയ്ക്ക് കഴിഞ്ഞു. ഇന്ന് മലയാളത്തിലെ തിരക്കേറിയ നടിമാരിൽ ഒരാളാണ് കല്യാണി പ്രിയദർശൻ. . അച്ഛനും അമ്മയും സിനിമയിലുള്ളവരാണെങ്കിലും പഠനം പൂര്‍ത്തിയാക്കിയ ശേഷമാണ് കല്യാണി താനും അമ്മയുടെ വഴിയെ സഞ്ചരിക്കുകയാണെന്ന് അറിയിച്ചത്.
ആശ്ചര്യത്തോടെയായിരുന്നു പ്രിയദര്‍ശന്‍ മകളുടെ വാക്കുകള്‍ കേട്ടത്. മകള്‍ക്ക് അഭിനയം ശരിയാവുമോ എന്ന ആശങ്കയായിരുന്നു അദ്ദേഹത്തിന്റെ മനസില്‍. മകള്‍ അഭിനയിച്ച് കൈയ്യടി നേടിയതോടെ സ്വന്തം ചിത്രത്തിലും അവസരം നല്‍കുകയായിരുന്നു അദ്ദേഹം. കരിയറുമായി ബന്ധപ്പെട്ട് പുതിയൊരു സന്തോഷം പങ്കിട്ടിരിക്കുകയാണ് കല്യാണി.
എന്റെ അടുത്ത തമിഴ് പ്രൊജക്റ്റില്‍ ഞാന്‍ എക്‌സൈറ്റഡാണ്. കുറച്ച് ദിവസമായി നിങ്ങള്‍ ഇതിനുള്ള കാത്തിരിപ്പിലാണെന്ന് എനിക്കറിയാം. എന്റെ ഹൃദയം മുഴുവനും സന്തോഷമാണ്. നിങ്ങള്‍ എല്ലാവരുടെയും അനുഗ്രഹം എനിക്കൊപ്പമുണ്ടാവണം. എന്റെ സ്വപ്നം ഈ ചിത്രത്തിലൂടെ യാഥാര്‍ത്ഥ്യമാവുമെന്നാണ് കരുതുന്നതെന്നായിരുന്നു കല്യാണി കുറിച്ചത്
ആരേയും ആകര്‍ഷിക്കുന്ന തിരക്കഥയാണ്. എനിക്ക് കിട്ടിയ വേഷം അഭിനയപ്രാധാന്യമുള്ളതാണ്. വലിയൊരു താരനിര ചിത്രത്തിനായി അണിനിരക്കുന്നുണ്ട്. സംഗീത മാന്ത്രികന്‍ എആര്‍ റഹ്‌മാന്റെ സാന്നിധ്യമാണ് മറ്റൊരു പ്രത്യേകത. ജീനി എന്ന് പേരിട്ടിരിക്കുന്ന ചിത്രത്തില്‍ ജയം രവിയാണ് നായകന്‍. കൃതി ഷെട്ടി, വാമിക ഗബ്ബി, ദേവയാനി തുടങ്ങി വന്‍താരനിരയാണ് ചിത്രത്തിനായി അണിനിരക്കുന്നത്. തമിഴിലും തെലുങ്കിലും മലയാളത്തിലും കന്നഡയിലുമായാണ് സിനിമ ഒരുക്കുന്നത്.
സാരിയില്‍ അതീവ സുന്ദരിയായുള്ള ചിത്രങ്ങളാണ് കല്യാണി പോസ്റ്റ് ചെയ്തത്. നൈല ഉഷയായിരുന്നു ആദ്യം ഓള്‍ ദ ബെസ്റ്റ് അറിയിച്ചത്. ലിസിയുള്‍പ്പടെ അഞ്ച് ലക്ഷത്തിലധികം പേരാണ് കല്യാണിയുടെ പോസ്റ്റ് ലൈക്ക് ചെയ്തിട്ടുള്ളത്. സോഷ്യല്‍മീഡിയയിലൂടെയായി ലിസിയും വിശേഷങ്ങള്‍ പങ്കിടാറുണ്ട്. സിദ്ധാര്‍ത്ഥിന്റെ വിവാഹത്തിനായി ലിസിയും പ്രിയദര്‍ശനും ഒന്നിച്ചത് വാര്‍ത്തയായിരുന്നു.
അമ്മ വലിയൊരു പ്രചോദനമാണ്. എല്ലാ കാര്യങ്ങളിലും അമ്മയുടെ പ്രസന്‍സുണ്ട്. അമ്മ അഭിനയിച്ച സിനിമകളൊന്നും ഞങ്ങളങ്ങനെ കണ്ടിരിക്കാറില്ല. മിക്കതിലും അമ്മ മരിക്കുകയോ, അമ്മയെ ആരെങ്കിലും ഉപദ്രവിക്കുന്നതുമൊക്കെയാണ്. അതൊക്കെ ഹിറ്റായി മാറുകയും ചെയ്യും. അത് കാണുമ്പോള്‍ സങ്കടം തോന്നുന്നതിനാല്‍ ഞങ്ങള്‍ കാണാറില്ലെന്നായിരുന്നു അമ്മയുടെ സിനിമകളെക്കുറിച്ച് ചോദിച്ചപ്പോള്‍ കല്യാണി പറഞ്ഞത്.