ബാഘി, ലാഡ്‌ല തുടങ്ങിയ സൂപ്പര്‍ഹിറ്റ് ചിത്രങ്ങള്‍ ബോളിവുഡിന് സമ്മാനിച്ച പ്രശസ്ത നിര്‍മാതാവ് നിതിന്‍ മന്‍മോഹന്‍ (62) അന്തരിച്ചു. ഹൃദയാഘാതത്തേ തുടര്‍ന്ന് ഈ മാസം മൂന്നുമുതല്‍ മുംബൈയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയായിരുന്നു.
വ്യാഴാഴ്ച രാവിലെ പത്തുമണിയോടെയായിരുന്നു മരണം സംഭവിച്ചതെന്ന് മകള്‍ പ്രാചി അറിയിച്ചു.
ബ്രഹ്മചാരി, ഗുംനാം, നയാ സമാനാ തുടങ്ങിയ ചിത്രങ്ങളിലൂടെ പ്രശസ്തനായ നടന്‍ മന്‍മോഹന്റെ മകനാണ് നിതിന്‍ മന്‍മോഹന്‍. ബോല്‍ രാധാ ബോല്‍, ആര്‍മി, സ്‌കൂള്‍, യംലാ പഗലാ ദീവാനാ, ദസ്, ചല്‍ മേരേ ഭായ്, ഇന്‍സാഫ്, ഗലി ഗലീ ഛോര്‍ ഹേ, ദില്‍ മാങ്കേ മോര്‍ തുടങ്ങിയവയാണ് നിതിന്‍ മോഹന്‍ നിര്‍മിച്ച ചിത്രങ്ങള്‍.