ചലച്ചിത്രതാരം വിനോദ്‌കോവൂരിന്റെ മാതാവ് കോവൂര്‍ എംഎല്‍എ റോഡില്‍ എംസി നിവാസില്‍ പി കെ അമ്മാളു (82) അന്തരിച്ചു. മെഡിക്കല്‍ കോളജിലെ മുന്‍ ജീവനക്കാരിയായിരുന്നു. പരേതനായ എം സി ഉണ്ണിയാണ് ഭര്‍ത്താവ് (മെഡി.കോളജ് മുന്‍ ജീവനക്കാരന്‍). മറ്റു മക്കള്‍: എം സി ശിവദാസ് (റിട്ട. ഐഒസി), എം സി മനോജ് കുമാര്‍ (അഭിഭാഷകന്‍). മരുമക്കള്‍: പി വിജയകുമാരി, കെ യു ശ്രീലത, എസ് ദേവയാനി. സംസ്‌ക്കാരം നടത്തി. സഞ്ചയനം 14ന്‌
മറിമായം എന്ന പരിപാടിയിലൂടെയാണ് വിനോദ് കോവൂർ ശ്രദ്ധേയനാകുന്നത്. പിന്നീട് എം എയ്റ്റി മൂസ എന്ന സീരിയലും കോഴിക്കോടൻ സ്ലാങ്ങുമൊക്കെ വിനോദിനെ പ്രേക്ഷകർക്ക് പ്രിയങ്കരനായി മാറുകയായിരുന്നു. നിരവധി സിനിമകളിൽ വിനോദ് ഇതിനോടകം തന്നെ ഭാഗമായിട്ടുണ്ട്