ബോളിവുഡിലെ ശ്രദ്ധേയ ഗായകനായ അര്‍ജിത് സിംഗിന്‍റെ മാതാവ് അന്തരിച്ചു. ഇന്ന് പതിനൊന്നു മണിയോടെയാണ് മരണം സംഭവിച്ചത്. കൊവിഡ് ബാധിതയായിരുന്ന അവരെ കഴിഞ്ഞ ദിവസമാണ് കൊൽക്കത്തയിലെ സ്വകാര്യ ആശുപത്രിയിൽ പ്രവേശിപ്പിച്ചത്
കുറച്ച് ദിവസങ്ങൾക്ക് മുമ്പ് ബംഗാളി നടി സ്വസ്തിക മുഖര്‍ജി സോഷ്യൽമീഡിയയിൽ ഇവര്‍ക്കായി നെഗറ്റീവ് ബ്ലഡ് ദാതാവിനെ തേടിക്കൊണ്ട് ഒരു പോസ്റ്റ് പങ്കിട്ടിരുന്നു.
പശ്ചിമ ബംഗാളിലെ മുഷിദാബാദില്‍ ജനിച്ച അര്‍ജിതിന്‍റെ അച്ഛന്‍ പഞ്ചാബിയും അമ്മ ബംഗാളിയുമാണ്. അദ്ദേഹത്തിന്‍റെ സംഗീതത്തോടുള്ള താല്പര്യം മുന്‍ഗണിച്ച്‌ മാതാപിതാക്കള്‍ സംഗീതം പഠിപ്പിക്കുകയായിരുന്നു. ഫെയിം ഗുരുകുല്‍, 10 കേ 10 ലെ ഗയെ ദില്‍ എന്നീ റിയാലിറ്റി ഷോകളിലൂടെയാണ് അദ്ദേഹം സിനിമാ സംഗീത ലോകത്തേക്ക് എത്തിയത്.
ആഷിഖി, തുംഹീഹോ, സനം റേ, മുസ്‌കുരാനാ കി വജാഹ് തും ഹോ, ഹമാരി അധുരി കഹാനി, ഹംദര്‍ഡ് തുടങ്ങി നിരവധി ശ്രദ്ധേയ ഗാനങ്ങൾ അര്‍ജിത് പാടിയിട്ടുണ്ട്. ഗുജറാത്തി, തമിഴ്, തെലുഗ്, മറാത്തി, അസ്സാമി, കന്നഡ എന്നി ഭാഷകളിലും പാടിട്ടുണ്ട്. ബോളിവുഡിലെ യുവഗായകരിൽ ഏറെ ശ്രദ്ധേയനായയാളാണ്