ഗായിക കാറ്റി പെറിക്കും പങ്കാളിയും നടനുമായ ഓർലന്റോ ബ്ലൂമിനും പെൺകുഞ്ഞ് പിറന്നു. യുണിസെഫാണ് ഇക്കാര്യം സാമൂഹിക മാധ്യമങ്ങളിലൂടെ പുറത്തുവിട്ടത്. ഡൈസി ഡോവ് എന്നാണ് കുഞ്ഞിന് പേരിട്ടിരിക്കുന്നത്.
യുണിസെഫിന്റെ ഗുഡ് വിൽ ബ്രാൻഡ് അംബാസിഡർമാരാണ് ഇരുവരും.
സുരക്ഷിതവും ആരോഗ്യപരവുമായിരുന്നു കുഞ്ഞിന്റെ വരവെന്നും സ്നേഹത്താലും അത്ഭുതത്താലും നിറഞ്ഞിരിക്കുകയാണെന്നും ദമ്പതികൾ പറഞ്ഞു.
കാറ്റിയുടെ ആദ്യത്തെ കുഞ്ഞാണിത്. മുൻഭാര്യ മിറാൻഡ കേറിൽ ഓർലന്റോ ബ്ലൂമിന് ഒരു മകനുണ്ട്.