‘മാമാങ്ക’ത്തിനുവേണ്ടി അടിമുടി മാറി മണികുട്ടൻമമ്മൂട്ടി നായകനായെത്തുന്ന ബ്രഹ്മാണ്ഡ ചിത്രമായ മാമാങ്കത്തിനായി അടിമുടി മേക്കോവറിൽ മണിക്കുട്ടൻ എത്തുന്നു. ചിത്രത്തിലെ മൂന്ന് ഷെഡ്യൂളുകളുടെ ഷൂട്ടിംഗ് പൂർത്തിയായി കഴിഞ്ഞിരിക്കുകയാണ്. എം പത്മകുമാർ സംവിധാനം ചെയ്യുന്ന ചിത്രം നിർമ്മിക്കുന്നത് വേണു കുന്നപ്പള്ളി ആണ്. ചിത്രത്തിന്‍റെ അവസാന ഷെഡ്യൂൾ ഷൂട്ടിംഗ് ഉടൻ നെട്ടൂരിൽ ഒരുക്കിയിരിക്കുന്ന സെറ്റിൽ ആരംഭിക്കുമെന്നാണ് സൂചന. 20 ഏക്കറോളം ചുറ്റളവിൽ വലിയ ബ്രഹ്മാണ്ഡ സെറ്റ് ഇതിനകം വാര്‍ത്തയായി കഴിഞ്ഞിട്ടുണ്ട്.
ചിത്രത്തിനുവേണ്ടി യുവതാരം മണിക്കുട്ടൻ നടത്തിയ മേക്ക് ഓവറും ചർച്ചയായിരിക്കുകയാണ്. കളരി അഭ്യാസമുറകളും ആയോധനകലയും ഏറെ ആവശ്യമുള്ള മാമാങ്കത്തിനായി ഒരു തികഞ്ഞ യോദ്ധാവിന് വേണ്ട ശരീരഘടന തന്നെ മണിക്കുട്ടൻ ആര്‍ജ്ജിച്ചുകഴിഞ്ഞിട്ടുണ്ട്.
ചിത്രത്തിൽ മമ്മൂക്കയോടൊപ്പം മികച്ച കഥാപാത്രമായി തന്നെയാണ് മണിക്കുട്ടൻ എത്തുന്നത്. ചിത്രത്തിൽ തന്‍റെ കഥാപാത്രത്തിന്‍റെ സ്വഭാവത്തെപറ്റിയുള്ള കൂടുതൽ വിവരങ്ങള്‍ ഒന്നും അദ്ദേഹം പുറത്തുവിട്ടിട്ടില്ല.
Manikkuttan’s mekeover for the movie Mamangam.