ബാഹുബലിയിലെ വില്ലന്‍ കഥാപാത്രമായ ഭല്ലാലദേവന്‍റെ പുത്തൻ ലുക്കിൽ ഞെട്ടിയിരിക്കുകയാണ് സോഷ്യൽമീഡിയ. ബാഹുബലിയിൽ നായകനോളമോ അതിനു മുകളിലോ റാണ ദഗുബാട്ടിയെ ആരാധകര്‍ പ്രതിഷിഠിച്ചിരുന്നു. ബാഹുബലി സീരിസ് പ്രേമികള്‍ക്ക് അത്ര പെട്ടന്ന് മറക്കാന്‍ സാധിക്കില്ലീ മുഖം.
എന്നാൽ ആരോഗ്യദൃഢഗാത്രനായ ഭല്ലാലദേവന്‍റെ പുതിയ ലുക്ക് കണ്ട് അമ്പരന്നിരിക്കുകയാണ് ആരാധകര്‍. മെലിഞ്ഞ് ശോഷിച്ച ശരീരവും നരച്ച താടിയും മീശയുമായാണ് റാണ ചിത്രത്തിലുള്ളത്. തന്റെ ഏറ്റവും പുതിയ ചിത്രമായ ‘കാടന്‍’ എന്ന സിനിമക്ക് വേണ്ടിയാണ് അദ്ദേഹത്തിന്‍റെ ഈ കിടിലന്‍ മേക്കോവര്‍.
ഇത് മുതലെടുത്ത് ചിലര്‍ അദ്ദേഹത്തിന് രോഗം ബാധിച്ചുവെന്നൊക്കെ പരന്നുപരത്തിയിരുന്നു.
ഹിന്ദിയിൽ ഹാത്തി മേരെ സാത്തി എന്ന പേരിലും തെലുങ്കിൽ ആരണ്യ എന്ന പേരിലുമാണ് ചിത്രം റിലീസിനെത്തുന്നത്. തമിഴ് പതിപ്പിൽ റാണയ്ക്കൊപ്പം വിഷ്ണു വിശാലും ഹിന്ദി പതിപ്പിൽ പുൽകീതും പ്രധാനവേഷത്തിലെത്തുന്നുണ്ട്. കൽകിയാണ് ചിത്രത്തിലെ നായിക. പ്രഭു സോളമനാണ് ചിത്രത്തിന്‍റെ സംവിധാനം. ആനയും മനുഷ്യനും തമ്മിലുള്ള ബന്ധത്തിന്റെ കഥപറയുന്ന ചിത്രമാണിത്.
Rana dhaggubatti’s makeover..