വസ്ത്രധാരണം ശരിയല്ലെന്ന് ആരോപിച്ച് ടര്ക്കിഷ് ബോഡി ബില്ഡറും ഫിറ്റ്നസ് മോഡലുമായ യുവതിയെ വിമാനത്തില് നിന്ന് ഇറക്കിവിട്ടു. വസ്ത്രം ചെറുതായതിന്റെ പേരിലാണ് വിമാനത്തില് നിന്ന് പുറത്താക്കിയത്.
മോഡല് ധരിച്ച വസ്ത്രം കുടുംബവുമായി യാത്ര ചെയ്യുന്നവര്ക്ക് ബുദ്ധിമുട്ടുണ്ടാക്കും എന്ന് ചൂണ്ടിക്കാട്ടിയായിരുന്നു യാത്ര വിലക്കിയത്. ടെക്സസില് വെച്ചാണ് ഞായറാഴ്ച്ച സംഭവം നടന്നത്.
ടര്ക്കിഷ് ബോഡി ബില്ഡറും ഫിറ്റ്നസ് മോഡലുമായ ഡെനീസ് സായ്പെനറെ അമേരിക്കന് എയര്ലൈന്സ് യാത്ര ചെയ്യാന് അനുവദിക്കാതിരിക്കുകയാണ് ചെയ്തത്. ചെറിയ ടോപ്പും ഷോര്ട്ട്സുമാണ് ഡെനീസ് ധരിച്ചിരുന്ന വസ്ത്രം.
സംഭവം വാര്ത്തയായതോടെ സോഷ്യല് മീഡിയയിലടക്കം ഈ വിഷയം ചര്ച്ചയായിട്ടുണ്ട്. നിരവധി പേരാണ് തങ്ങളുടെ അഭിപ്രായങ്ങള് രേഖപ്പെടുത്തി രംഗത്തെത്തുന്നത്.