തെന്നിന്ത്യയിലാകെ ആരാധകരുള്ള താരമാണ് മീന. ഇപ്പോഴിതാ മീനയ്ക്കും കുടുംബാംഗങ്ങള്‍ക്കും കൊവിഡ് സ്ഥിരീകരിച്ചിരിക്കുന്നു എന്നുള്ള വാര്‍ത്തകളാണ് പുറത്ത് വരുന്നത്. നിരവധി മുന്‍നിര നായകന്മാര്‍ക്കൊപ്പം പ്രവര്‍ത്തിച്ച താരം അവസാനമായി അഭിനയിച്ചത് മോഹന്‍ലാല്‍ ചിത്രം ബ്രോ ഡാഡിയില്‍ ആണ്.
രജനികാന്ത് ചിത്രം അണ്ണാത്തയിലും താരം അഭിനയിച്ചിരുന്നു. മീന തന്റെ സോഷ്യല്‍ മീഡിയയിലൂടെയാണ് കോവിഡ് സ്ഥിരീകരിച്ച കാര്യം അറിയിച്ചത്.
‘2022ല്‍ എന്റെ വീട്ടില്‍ വന്ന ആദ്യ അതിഥി. മിസ്റ്റര്‍ കൊറോണ. അദ്ദേഹത്തിന് എന്റെ മുഴുവന്‍ കുടുംബത്തെയും വല്ലാതെ ഇഷ്ടമായി. എന്നാല്‍ അധികകാലം അതിനെ വീട്ടിലിരുത്താന്‍ ഉദ്ദേശിക്കുന്നില്ല. നിങ്ങളും ജാഗരൂകരാകുവിന്‍. ആരോഗ്യത്തോടെ ഇരിക്കൂ. രോഗം പടര്‍ത്താതിരിക്കാനും ശ്രദ്ധിക്കൂ’, എന്നാണ് മീന കുറിച്ചത്.
അപ്പോള്‍ മുതല്‍. നടിക്കും കുടുംബത്തിനും വേഗത്തില്‍ സുഖം പ്രാപിക്കട്ടെയെന്ന് ആരാധകരും അവരുടെ സഹപ്രവര്‍ത്തകരും ആശംസിക്കാന്‍ തുടങ്ങി. മോഹന്‍ലാലും മീനയും ദൃശ്യം 2വിനു ശേഷം ഒന്നിക്കുന്ന ചിത്രം കൂടിയാണ് ബ്രോ ഡാഡി.