ബിഗ്‌ബോസ് റിയാലിറ്റി ഷോയിലൂടെ ശ്രദ്ധേയരായ താരങ്ങള്‍ വിവാഹിതരായി. ഗായകനും സംഗീത സംവിധായകനുമായ രാഹുല്‍ വൈദ്യയും ടെലിവിഷന്‍ നടിയും മോഡലുമായ ദിഷ പാര്‍മറും ആണ് വിവാഹിതരായത്. കഴിഞ്ഞ ദിവസമായിരുന്നു കല്യാണം.
ബുധനാഴ്ച മെഹന്ദി ചടങ്ങും വ്യാഴാഴ്ച ഹല്‍ദി, ചൂദ ചടങ്ങുകളും നടന്നു. നിലവിലെ സാഹചര്യത്തില്‍ അടുത്ത ബന്ധുക്കളും സുഹൃത്തുക്കളും മാത്രമാണ് ചടങ്ങുകളില്‍ പങ്കെടുത്തത്. മുബൈ ഗ്രാന്റ് ഹയാത് ഹോട്ടലില്‍ വച്ചായിരുന്നു വിവാഹ ചടങ്ങുകള്‍ നടന്നത്.
ബിഗ്‌ബോസ് റിയാലിറ്റി ഷോയിലൂടെയാണ് ഇരുവരും പ്രണയത്തിലാകുന്നത്. ബിഗ് ബോസില്‍ അതിഥിയായെത്തിയ ദിഷ പാര്‍മറിനോട് രാഹുല്‍ പ്രണയം തുറന്നു പറയുകയായിരുന്നു. പിന്നീട് ഒരു ടെലിവിഷന്‍ പരിപാടിക്കിടെ ദിഷയോട് വിവാഹാഭ്യര്‍ഥനയും രാഹുല്‍ നടത്തി.
ഇരുവരുടെയും വിവാഹ ചിത്രങ്ങള്‍ സോഷ്യല്‍ മീഡിയയില്‍ വൈറലായിരിക്കുകയാണ്. നിരവധി പേരാണ് ഇരുവര്‍ക്കും ആശംസകളുമായി രംഗത്തെത്തിയിരിക്കുന്നത്.