മലയാളികളുടെ പ്രിയപ്പെട്ട നടനും സംവിധായകനുമാണ് സൗബിന്‍ സാഹിര്‍. സോഷ്യല്‍ മീഡിയയില്‍ സജീവമായ സൗബിന്‍ ഇടയ്ക്കിടെ തന്റെ ചിത്രങ്ങളും വിശേഷങ്ങളും എല്ലാം പങ്കുവെച്ച് എത്താറുണ്ട്.
ഇപ്പോഴിതാ മകന് ജന്മദിനാശംസകള്‍ നേര്‍ന്ന് എത്തിയിരിക്കുകയാണ് താരം. മകന് ഒര്‍ഹാന്റെ ജന്മദിനാഘോഷത്തില്‍ നിന്നുമുള്ള ചിത്രങ്ങള്‍ സോഷ്യല്‍ മീഡിയകളില സൗബന്‍ പങ്കുവെയ്ക്കുകയും ചെയ്തു.
‘വര്‍ഷങ്ങള്‍ കടന്നുപോകുമ്പോള്‍, നീ പല തരത്തില്‍ മാറുന്നു. എന്നാല്‍ ഈ ദിവസങ്ങളിലെല്ലാം ഒരു കാര്യം സത്യമായി തുടരുന്നു: നീ എല്ലായ്പ്പോഴും എന്റെ ഹൃദയമുള്ള കൊച്ചുകുട്ടിയായിരിക്കും.
സ്നേഹവും ചിരിയും ഒരുപാട് നന്മകളും നിറഞ്ഞ ഒരു ജീവിതകാലം നിനക്ക് നേരുന്നു. ജന്മദിനാശംസകള്‍ എന്റെ പ്രിയപ്പെട്ട ഓര്‍ഹാന്‍. ഞാന്‍ നിന്നെ വളരെയധികം സ്നേഹിക്കുന്നു,’ സൗബിന്‍ കുറിച്ചു.
മകനുമൊത്തുള്ള ചിത്രങ്ങള്‍ ഇടയ്ക്ക് സൗബിന്‍ സോഷ്യല്‍ മീഡിയകളില്‍ പങ്കുവെയ്ക്കാറുമുണ്ട്. ജാമിയയും സൗബിനും തമ്മിലുള്ള വിവാഹം 2017 ഡിസംബറില്‍ ആയിരുന്നു.
2019 മെയ 10ന് ആയിരുന്നു സൗബിനും ഭാര്യയ്ക്കും ആണ്‍ കുഞ്ഞ് പിറന്നത്. സൗബിന്‍ സോഷ്യല്‍ മീഡിയയിലൂടെയാണ് അച്ഛനായ സന്തോഷം ആരാധകരുമായി പങ്കുവെച്ചത്.