മോഹന്‍ലാല്‍-പ്രിയദര്‍ശന്‍ കൂട്ടുകെട്ടില്‍ പിറന്ന മരയ്ക്കാര്‍ അറബിക്കടലിന്റെ സിംഹം എന്ന ചിത്രം തിയേറ്ററുകളില്‍ തന്നെ റിലീസ് ചെയ്യുമെന്ന് നിര്‍മാതാവ് ആന്റണി പെരുമ്പാവൂര്‍.
മരക്കാര്‍ ഒടിടി റിലീസിന് പദ്ധതിയിടുന്നുവെന്ന് റിപ്പോര്‍ട്ടുകള്‍ വന്നതിനു പിന്നാലെയാണ് ഇക്കാര്യത്തില്‍ വിശദീകരണവുമായി ആന്റണി പെരുമ്പാവൂര്‍ എത്തിയത്.
‘മരക്കാറിന്റെ റിലീസ് മേയ് 13നാണ് വിചാരിച്ചിരിക്കുന്നത്. ഇതേ അവസ്ഥ തുടരുകയാണെങ്കില്‍ ആ സമയത്ത് റിലീസ് ചെയ്യില്ല.
പക്ഷേ നിലവില്‍ റിലീസിങ് മാറ്റിവച്ചിട്ടില്ല. ചിത്രം തിയറ്ററുകളില്‍ തന്നെ റിലീസ് ചെയ്യും. റംസാന്‍ പോലുള്ള സമയത്ത് തിയേറ്ററുകളില്‍ സിനിമകളുണ്ടാവില്ല’ എന്നും ആന്റണി പെരുമ്പാവൂര്‍ പറയുന്നു.