കാവ്യാമാധവനും അമ്മയ്ക്കുമൊപ്പം വോട്ട് ചെയ്യാനെത്തി നടന്‍ ദിലീപ്. കൊച്ചി ആലുവ പോളിംഗ് സ്റ്റേഷനിലെത്തിയാണ് കുടുംബസമേതം ദിലീപ് വോട്ട് രേഖപ്പെടുത്തിയത്.
ജനക്ഷേമത്തിന് വേണ്ടി പ്രവര്‍ത്തിക്കുന്ന നീതി നടപ്പാക്കുന്ന നല്ല ഭരണകര്‍ത്താക്കള്‍ അധികാരത്തില്‍ വരട്ടെയെന്ന് ദിലീപ് വോട്ട് രേഖപ്പെടുത്തിയ ശേഷം മാധ്യമങ്ങളോട് പറഞ്ഞു.
നല്ല ഭരണം വന്നാല്‍ എല്ലാ കാര്യങ്ങളും നന്നായി നടക്കും. നല്ലൊരു അന്തരീക്ഷം ഉണ്ടാകട്ടെയെന്നാണ് ആഗ്രഹമെന്നും ദിലീപ് പറഞ്ഞു.
താന്‍ ഒരു കലാകാരനാണ് അതിനാല്‍ തുടര്‍ഭരണമുണ്ടാകുമോ എന്നതിനെക്കുറിച്ച് പ്രതികരിക്കാനില്ലെന്നും ദിലീപ് വ്യക്തമാക്കി.