പ്രശസ്ത കവിയും ഗാനരചയിതാവുമായ എസ്.രമേശന്‍ നായരുടെ പുത്രനും സംഗീതസംവിധായകനുമായ മനു രമേശിന്റെ ഭാര്യ ഡോ.ഉമ (35) മനു അന്തരിച്ചു. മസ്തിഷ്‌കാഘാതത്തെ തുടര്‍ന്നായിരുന്നു അന്ത്യം.
ശക്തമായ തലവേദനയെത്തുടര്‍ന്ന് പുലര്‍ച്ചെ ആശുപത്രിയിലേയ്ക്കു കൊണ്ടുപോകും വഴിയായിരുന്നു മരണം സംഭവിക്കുന്നത്. സംസ്‌കാരം വ്യാഴാഴ്ച്ച നടക്കും.
കൊച്ചിയിലെ അമൃത സ്‌കൂള്‍ ഓഫ് ആര്‍ട്‌സ് ആന്‍ഡ് സയന്‍സസിലെ കമ്പ്യൂട്ടര്‍ സയന്‍സ് വിഭാഗം അസി.പ്രൊഫസറായിരുന്നു ഉമ. മികച്ച നര്‍ത്തകി കൂടിയായിരുന്ന ഉമയ്ക്ക് അടുത്തിടെയാണ് ഡോക്ടറേറ്റ് ലഭിക്കുന്നത്.
2010 സെപ്റ്റംബര്‍ 22നായിരുന്നു ഉമയുടെയും മനുവിന്റെയും വിവാഹം. ഇവര്‍ക്ക് ഒരു മകള്‍ ഉണ്ട്. 2009ല്‍ പുറത്തിറങ്ങിയ ഗുലുമാല്‍ എന്ന ചിത്രത്തിലൂടെയാണ് ചലച്ചിത്രരംഗത്തേക്ക് കടന്നുവരുന്നത്. അയാള്‍ ഞാനല്ല,ആത്മകഥ,സിന്ദൂരച്ചെപ്പ് തുടങ്ങി നിരവധി ചിത്രങ്ങളുടെ സംഗീത സംവിധായകനാണ് മനു.