ആരാധകരും സിനിമാ പ്രേമികളും ഒരുപോലെ കാത്തിരിക്കുന്ന ചിത്രമാണ് വിജയും, വിജയ് സേതുപതിയും ഒന്നിക്കുന്ന മാസ്റ്റര്‍. മാസ്റ്റര്‍ തിയേറ്ററുകളില്‍ തന്നെ റിലീസ് ചെയ്യുമെന്ന ആവേശത്തിലാണ് ആരാധകര്‍. ഇപ്പോഴിതാ ചിത്രത്തെ കുറിച്ചുള്ള മറ്റു വിവരങ്ങള്‍ കൂടി പുറത്തുവന്നിരിക്കുകയാണ്. ചിത്രത്തിന്റെ സ്ട്രീമിംഗ് റൈറ്റ്സ് ആമസോണ്‍ പ്രൈം വീഡിയോ സ്വന്തമാക്കിയതായാണ് വിവരങ്ങള്‍.
തിയേറ്റര്‍ റിലീസിന് പിന്നാലെ ചിത്രം റിലീസ് ചെയ്യാനുള്ള സ്ട്രീമിംഗ് അവകാശമാണ് ആമസോണ്‍ പ്രൈം നേടിയിരിക്കുന്നത്. ബിഫോര്‍യു മോഷന്‍ പിക്സ് ആണ് ഹിന്ദി പതിപ്പിന്‍റെ വിതരണാവകാശം സ്വന്തമാക്കിയിരിക്കുന്നത്. ചിത്രത്തിന്റെ ഹിന്ദി പതിപ്പ് ഇന്ത്യയിലാകെ വന്‍ റിലീസിനാണ് ഒരുങ്ങുന്നതെന്നാണ് വിവരം. തിയേറ്റര്‍ റിലീസ് തന്നെയായിരിക്കും ചിത്രമെന്ന ആവേശത്തിലാണ് ആരാധകര്‍.