നിരവധി ചിത്രങ്ങളിലൂടെ മലയാളി പ്രേക്ഷകര്‍ക്കേറെ പ്രിയങ്കരനായി മാറിയ താരമാണ് ശ്രീനാഥ് ഭാസി. ഇപ്പോള്‍ അമല്‍ നീരദ് ചിത്രമായ ഭീഷ്മപര്‍വ്വത്തിലൂടെ നടന്‍ വീണ്ടും ശ്രദ്ധേയനായി മാറിയിരിക്കുകയാണ്. ഇപ്പോഴിതാ ഒരു അഭിമുഖത്തില്‍ താരം പറഞ്ഞ വാക്കുകളാണ് ശ്രദ്ധ നേടുന്നത്.
സിനിമയില്‍ ഇടയ്ക്കു വന്ന വിടവ് തന്നെ ബാധിച്ചിരുന്നുവെന്നും സിനിമ വിട്ട് മറ്റെന്തെങ്കിലും ജോലിയിലേയ്ക്ക് പോകാന്‍ തീരുമാനിച്ചിരുന്നതായുമാണ് നടന്‍ പറയുന്നത്. കഥാപാത്രത്തിനായി പ്രത്യേകിച്ച് തയ്യാറെടുപ്പുകളൊന്നും നടത്താറില്ല. വ്യത്യസ്തമായ കഥാപാത്രങ്ങള്‍ ചെയ്യാനിഷ്ടമാണ്. അങ്ങനെയുള്ള കഥാപാത്രങ്ങള്‍ക്കായാണ് കാത്തിരിക്കുന്നത്.
ജേക്കബിന്റെ സ്വര്‍ഗ്ഗരാജ്യത്തിലൂടെയാണ് തിരിച്ചുവരവുണ്ടാകുന്നത്. അത് നല്ലൊരു കഥാപാത്രവും നല്ലൊരു മാറ്റവുമായിരുന്നു. സിനിമയില്‍ തന്നെ തുടരാമെന്ന് തീരുമാനിക്കുന്നത് ഇങ്ങനെയാണ് എന്നും നടന്‍ പറയുന്നു.
”ഇടക്കാലത്ത് സിനിമയില്‍ നിന്നും മാറിയാലോ എന്നൊക്കെ ആലോചിച്ചിരുന്നു. വിദേശത്ത് പോയി എന്തെങ്കിലും ജോലി ചെയ്ത് ജീവിക്കാമെന്നായിരുന്നു കരുതിയത്. ജേക്കബിന്റെ സ്വര്‍ഗരാജ്യമായിരുന്നു ആ സമയത്ത് ചെയ്തത്. വിനീത് ശ്രീനിവാസനാണ് പിന്തുണ തന്ന് ചേര്‍ത്തുപിടിച്ചത്.
അതേപോലെ തന്നെ ഇടയ്ക്ക് ചില നോ പറഞ്ഞത് കാരണം സിനിമ കിട്ടാതെ കുറേക്കാലം വീട്ടിലിരിക്കേണ്ടി വന്നിട്ടുണ്ട്. അങ്ങനെയിരിക്കെയാണ് ജേക്കബിന്റെ സ്വര്‍ഗരാജ്യം കിട്ടിയത്. അത് നല്ലൊരു കഥാപാത്രവും നല്ലൊരു മാറ്റവുമായിരുന്നു. സിനിമയില്‍ത്തന്നെ തുടരാമെന്ന് തീരുമാനിക്കുന്നത് അങ്ങനെയാണ്.’എന്നും ശ്രീനാഥ് ഭാസി വ്യക്തമാക്കി.