എസ്എസ് രാജമൗലി അണിയിച്ചൊരുക്കിയ ആര്‍ആര്‍ എന്ന ബ്രഹ്മാണ്ഡ ചലചിത്രം തിയേറ്ററുകളെ ആവേശം കൊള്ളിച്ച് റെക്കോഡ് കളക്ഷനോടെ ജൈത്രയാത്ര തുടരുകയാണ് മികച്ച പ്രതികരണമാണ് സിനിമമയ്ക്ക് ലഭിക്കുന്നത്.
അല്ലൂരി സീതാരാമരാജുവായി രാംചരണും, കൊമരി ഭീം ആയി ജൂനിയര്‍ എന്‍ടിആറും നിറഞ്ഞാടുകയാണ് സിനിമയില്‍. സിനിമയുടെ വിജയാഘോഷത്തിന്റെ വീഡിയോകളും ചിത്രങ്ങളുമാണ് ഇപ്പോള്‍ സമൂഹമാദ്ധ്യമങ്ങളില്‍ ട്രെന്‍ഡ്.
ഇപ്പോഴിതാ രാം ചരണിന്റെ ഭാര്യ ഉപാസന ചിത്രം കണ്ട് ആസ്വദിക്കുന്ന വീഡിയോ സമൂഹമാദ്ധ്യമങ്ങളില്‍ വൈറലാവുകയാണ്. തീയേറ്ററിലെ ആരാധകരുടെ ആഘോഷങ്ങള്‍ക്കിടയില്‍ ഉപാസന തന്റെ ഭര്‍ത്താവിന്റെ അഭിനയത്തില്‍ ആവേശഭരിതയാവുന്നത് കാണാം.ആരാധകര്‍ കീറിയെറിഞ്ഞ കടലാസു കഷ്ണങ്ങള്‍ നിലത്തുനിന്നും എടുത്ത് വീണ്ടും ആഹ്ലാദ പ്രകടനം നടത്തുകയാണ് ഉപാസന.