കസ്തൂരിമാന്‍ എന്ന സീരിയലിലൂടെയാണ് റെബേക്ക സന്തോഷ് പ്രേക്ഷകര്‍ക്ക് പ്രിയങ്കരിയായത്. കസ്തൂരിമാനിന് ശേഷം അഭിനയിക്കുന്ന കളിവീട് എന്ന സീരിയലും ഇപ്പോള്‍ മുന്‍നിരയില്‍ തന്നെയാണ്. വിവാഹ ജീവിതം തന്റെ കരിയറിന് ഒരു തടസ്സമേ അല്ല എന്നാണ് റെബേക്ക പറയുന്നത്. വിവാഹ ശേഷം തനിയ്‌ക്കോ ഭര്‍ത്താവ് ശ്രീജിത്ത് വിജയനോ വിവാഹ ശേഷം കാര്യമായ മാറ്റങ്ങളൊന്നും സംഭവിച്ചിട്ടില്ല എന്ന് ഇ ടൈംസിന് നല്‍കിയ അഭിമുഖത്തില്‍ നടി പറഞ്ഞു.കല്യാണ ശേഷം എന്താണ് മാറ്റം എന്ന് എല്ലാവരും ചോദിക്കുമ്പോഴാണ്, ഹൊ കല്യാണം കഴിഞ്ഞു അല്ലേ എന്ന് ഞങ്ങള്‍ക്ക് തന്നെ ബോധം ഉണ്ടാവുന്നത്. തന്നെ സംബന്ധിച്ച് വിവാഹ ശേഷം യാതൊരു മാറ്റവും ഇല്ല എന്നാണ് റെബേക്ക സന്തോഷ് പറയുന്ന്.
ഞാന്‍ എന്റെ ഷൂട്ടിങുകളുമായി തരക്കിലാണ്. ശ്രീ തന്റെ പുതിയ സിനിമ സ്വപ്‌നങ്ങളുടെ തിരക്കിലും. ഒരുമിച്ച് സമയം ചെലവഴിക്കാന്‍ കിട്ടുമ്പോഴേല്ലാം അത് ഏറ്റവും മികച്ചത് ആക്കിതീര്‍ക്കാന്‍ ഞങ്ങള്‍ ഇപ്പോഴും ശ്രദ്ധിയ്ക്കുന്നുണ്ട്. ഞങ്ങളുടെ കുഞ്ഞ് ലോകത്ത് എത്തുമ്പോള്‍ വലിയ സന്തോഷമാണ് തോന്നുന്നത്.ഒരേ ഇന്റസ്ട്രിയില്‍ തന്നെ ഉള്ള ആള്‍ക്കാര്‍ ആയത് കൊണ്ട് ഞങ്ങള്‍ക്ക് പരസ്പരം എപ്പോഴും മനസ്സിലാക്കാന്‍ സാധിയ്ക്കുന്നു എന്നത് വലിയ കാര്യമാണ്.
ഷൂട്ടിങ് ഷെഡ്യൂളുകളെ കുറിച്ച് ശ്രീയ്ക്ക് നന്നായി അറിയാം. അതിനൊരിക്കലും പരാതി പറയാറില്ല. അത് പോലെ തന്നെ തിരിച്ചും, ശ്രീയുടെ തിരക്കുകളെ കുറിച്ച് എനിക്കറിയാം. ഫോണ്‍ വിളിക്കാത്തതിന് മെസേജ് അയക്കാത്തതിനോ പരാതി പറയുന്ന ഭാര്യയല്ല ഞാന്‍. ഞങ്ങള്‍ രണ്ട് പേരും പരസ്പരം ബഹുമാനിക്കുകയും മനസ്സിലാക്കുകയും ചെയ്യുന്നു. ആറ് വര്‍ഷത്തെ പ്രണയത്തിന് ശേഷമാണ് റെബേക്ക സന്തോഷും ശ്രീജിത്ത് വിജയ് യും വിവാഹിതരായത്. ഞങ്ങള്‍ ഒരുമിച്ചുള്ള ജീവിതത്തിന് മതം ഒരു പ്രശ്‌നമേ അല്ല എന്ന് റെബേക്ക പറയുന്നു. വ്യത്യസ്തതകള്‍ക്ക് ഇടയിലും ഞങ്ങള്‍ പ്രണയത്തെ ഒരുപോലെ പിന്തുണച്ചു. പ്രണയിച്ച ആള്‍ക്കൊപ്പം തന്നെ ഇനിയുള്ള കാലം മുഴുവന്‍ സന്തോഷത്തോടെ ജീവിക്കാനാണ് ആഗ്രഹം- റെബേക്ക സന്തോഷ് പറഞ്ഞു
about rebacca santhosh