പ്രണയ ദിനത്തോടനുബന്ധിച്ച് മലയാള ടെലിവിഷൻ പരിപാടികളും പരമ്പരകളും പ്രണയ നിറത്തിൽ കുളിക്കുകയാണ്. അപ്പോഴും പ്രേക്ഷകർ ആകാംക്ഷയോടെ കാത്തിരിക്കുന്നത് തങ്ങളുടെ പ്രിയപ്പെട്ട താരജോഡികളുടെ മിന്നും പ്രകടനം കാണാനായിട്ടാണ്.
വാലൻന്റൈൻസ് ഡേ പ്രമാണിച്ച് ഏഷ്യാനെറ്റിൽ മെഗാ സ്റ്റേജ് ഇവന്റ് ഷോയാണ് പ്രേക്ഷകർക്കായി ഒരുക്കുന്നത്. ” ഹാപ്പി വാലൻന്റൈൻസ് ഡേ” പരിപാടിയുടെ സംപ്രേക്ഷണത്തിന് ഇനി ദിവസങ്ങൾ മാത്രമാണ്. ജനപ്രീയതാരങ്ങൾ അണിനിരക്കുന്ന സ്പെഷ്യൽ മെഗാ സ്റ്റേജ് ഷോ ” ഹാപ്പി വാലൻന്റൈൻസ് ഡേ ( Happy Valentine’s Day ) ” ഏഷ്യാനെറ്റിൽ സംപ്രേക്ഷണം ചെയ്യുന്നത് കാണാൻ കാത്തിരിക്കുകയാണ് മലയാളി പ്രേക്ഷകർ.
പ്രശസ്‌തചലച്ചിത്രതാരം നിഖില വിമലാണ് ഈ പരിപാടിയിൽ മുഖ്യാതിഥിയായി എത്തിയത്. ടെലിവിഷൻ താരങ്ങളായ നിഖിൽ – ശ്രീതു , ദീപൻ – അശ്വതി , അപ്പാണി ശരത് – അമൃത , നലീഫ്- മനീഷ , ജോൺ – ധന്യ മേരി തുടങ്ങിയവരുടെ ഡാൻസുകളും നിത്യ മാമ്മൻ , അനിത എന്നിവരുടെ സംഗീതവിരുന്നും പ്രഭ ശങ്കർ , സിനി വര്ഗീസ് , അൻഷിദ , രഞ്ജിത്ത് രാജ് , രേഷ്മ എസ് നായർ , അപർണ തുടങ്ങിയവർ അണിനിരന്ന കോമഡി സ്‌കിറ്റുകൾ കൊണ്ടും ഈ ഇവന്റ് സമ്പന്നമായിരുന്നു .
ബിഗ് ബോസ് ഫെയിം അനൂപും കൂടെവിടെ ഫെയിം അൻഷിതയുമാണ് അവതാരകരായി എത്തിയത് . ” ഹാപ്പി വാലൻന്റൈൻസ് ഡേ ( Happy Valentine’s Day ) ” ഇവന്റ് ഏഷ്യാനെറ്റിൽ ഫെബ്രുവരി 13 ഞായറാഴ്ച വൈകുന്നേരം 4.30 മുതൽ സംപ്രേക്ഷണം ചെയ്യുക.
about asianet