മിനിസ്ക്രീൻ പ്രേക്ഷകരുടെ പ്രിയപ്പെട്ട പരമ്പരയാണ് ചക്കപ്പഴം. 2020 ആഗസ്റ്റ് 10 നാണ് സീരിയൽ തുടങ്ങുന്നത്. ഒരു കുടുംബത്തിൽ നടക്കുന്ന സംഭവങ്ങളെ നർമ്മത്തിൽ കലർത്തി വളരെ രസകരമായിട്ടാണ് സീരിയലിൽ അവതരിപ്പിക്കുന്നത്. അശ്വതി ശ്രീകാന്ത്, ശ്രുതി, സബിറ്റ ജോർജ്ജ്, റാഫി, അമൽ രാജീവ്, എസ് പി ശ്രീകുമാർ എന്നിവരാണ് പ്രധാന കഥാപാത്രത്തെ അവതരിപ്പിക്കുന്നത്.
ചക്കപ്പഴത്തിലൂടെ പ്രേക്ഷകരുടെ പ്രിയങ്കരനായി മാറിയ താരമാണ് റാഫി . ടിക്ക് ടോക്കിലൂടെയാണ് നടൻ പ്രേക്ഷകരുടെ ഇടയിൽ ആദ്യം ശ്രദ്ധിക്കപ്പെടുന്നത്. ചക്കപ്പഴം സീരിയലിലൂടെ റാഫി പ്രേക്ഷകരുടെ പ്രിയങ്കരനായി മാറുകയായിരുന്നു. കന്നി പ്രകടനത്തിന് സംസ്ഥാന സർക്കാരിന്റെ സ്പെഷ്യൽ ജൂറി പുരസ്കാരവും ലഭിച്ചിരുന്നു. അടുത്ത കാലത്തായിരുന്നു റാഫിയുടെ വിവാഹനിശ്ചയം കഴിയുന്നത്. ടിക്ക് ടോക്ക് താരമായിരുന്നു മഹീനയെയാണ് റാഫി വിവാഹം കഴിക്കുന്നത്. ഇപ്പോഴിതാ ആരാധകരുടെ ചോദ്യത്തിന് മറുപടിയുമായി എത്തുകയാണ് താരം.
“ഞാൻ എന്താണെന്നും, എങ്ങനെ ആണെന്നും മനസിലാക്കാൻ കഴിയുന്നുണ്ട്. എത്ര തിരക്ക് ആണേലും എന്നോട് മിണ്ടാതെ ഒരു ദിവസം പോലും ഇരിക്കില്ല. എന്റെ ജീവിതത്തിൽ എനിക്ക് കിട്ടിയ ഏറ്റവും വലിയ സമ്മാനമാണ് എന്റെ ഇക്ക. എന്നാണ് റാഫിയുടെ പ്രത്യേകതയെ കുറിച്ച് ചോദിച്ച ആരാധകർക്ക് മഹീന നൽകിയ മറുപടി. ചക്കപ്പഴം ലൊക്കേഷനിൽ പോയിട്ടുണ്ടോ എന്ന ചോദ്യത്തിന് ഇത് വരെ ഇല്ല എന്ന മറുപടിയും പ്രിയപ്പെട്ട നടൻ ആരാണ് എന്ന് ചോദ്യത്തിന് തന്റെ ഇക്ക ആണെന്നും മഹീന മറുപടി നൽകി. അതേസമയം ആരാണ് പ്രൊപ്പോസ് ചെയ്തതെന്ന ചോദ്യത്തിന് അത് മാർക് ചെയ്തു വയ്ക്കാം പിന്നീട് നൽകിയ പോരെ എന്നും മഹീന ചോദിക്കുന്നു.
നിങ്ങൾ തമ്മിലുള്ള ബന്ധം വീട്ടിൽ അറിഞ്ഞപ്പോൾ എന്തായിരുന്നു റിയാക്ഷൻ എന്ന ആരാധകരുടെ ചോദ്യത്തിനും മഹീന മറുപടി നൽകുന്നുണ്ട്. അങ്ങനെ പ്രത്യേകിച്ച് ഒരു റിയാക്ഷനും വീട്ടിൽ ഉണ്ടായില്ല. കാരണം ഞങ്ങൾ ആയി വീട്ടിൽ പറഞ്ഞതാണ്. പിന്നെ എന്റെ സന്തോഷം ആണ് അവരുടെയും സന്തോഷം. അതുകൊണ്ടുതന്നെ വലിയ പ്രശ്നം ഒന്നും ഉണ്ടായിരുന്നില്ല.ഞാൻ അല്ലെ ജീവിക്കേണ്ടത്. ലൈഫ് പാർട്ണർ എന്നൊക്കെ പറയുന്നത് നമ്മുടെ ചോയിസ് അല്ലെ. ആ ചോയിസ് എന്റെ ജീവിതത്തിൽ നൂറു ശതമാനം ശരി തന്നെയാണ്. മഹീന ആരാധകർക്ക് മറുപടി നൽകി. എത്ര നാളായി ബന്ധം തുടങ്ങിയിട്ട് എന്നും ആരാധകർ ചോദിക്കുന്നുണ്ട്. ഒരു വർഷം ആകുന്നു എന്നാണ് മഹീന മറുപടി നൽകുന്നത്.
റാഫി തന്നെയാണ് വിവാഹം നിശ്ചയത്തിന്റ കാര്യം ആരാധകരെ അറിയിച്ചത്. എനിക്ക് ഏറ്റവും സന്തോഷം തരുന്നയാളെ ഞാനെന്റെ വധുവായി കൂടെക്കൂട്ടുന്നുവെന്നായിരുന്നു റാഫി ചിത്രം പങ്കുവെച്ച് കൊണ്ട് അറിയിച്ചത് . തങ്ങളുടേത് ലവ് കം അറേഞ്ച്ഡ് മാര്യേജ് ആണ് മഹീന മുമ്പ് പറഞ്ഞിരുന്നു. ഏഴുമാസത്തെ പ്രണയം ആണ് വിവാഹത്തിലേക്ക് എത്തിയതെന്നുമാണ് മഹീന അന്ന് പറഞ്ഞത്. ഭയങ്കര കുറുമ്പനാണ് തന്റെ ഇക്കയെന്നും, കളിയാക്കൽ ആണ് പ്രധാനപണിയെന്നും മഹീന പറഞ്ഞിരുന്നു.
തന്റെ സുഹൃത്തുക്കളാണ് തന്റെ വിജയത്തിന് പിന്നിലെന്ന് ഒരിക്കൽ റാഫി മുൻപ് ഒരിക്കൽ പറഞ്ഞിരുന്നു. സംവിധായകൻ ഉണ്ണികൃഷ്ണൻ കണ്ട് അദ്ദേഹത്തിന് ഇഷ്ടപെട്ടിട്ടാണ് ഓഡിഷൻ വഴി റാഫി ചക്കപ്പഴത്തിലേക്ക് എത്തിയത്. ചക്കപ്പഴത്തിലെ സുമേഷുമായി ചെറിയ രീതിയിൽ ഒക്കെ സാമ്യം ഉണ്ട് എന്ന് മുൻപൊരിക്കൽ റാഫി പറഞ്ഞിരുന്നു. റാഫിയുടെ വെബ് സീരീസിനും മികച്ച ആരാധകരുണ്ട്. ഡയറക്ടർ രാജേഷ് മോഹൻ വഴിയാണ് റാഫി കണിമംഗലം കോവിലകത്തേക്ക് എത്തിയത്.
about rafi