ഒരു ഇടവേളക്ക് ശേഷം വിനീത് ശ്രീനിവാസന്‍ സംവിധാനരംഗത്തേക്ക് കടന്നുവരുന്ന ചിത്രമാണ് ഹൃദയം. ദര്‍ശന രാജേന്ദ്രന്‍, പ്രണവ് മോഹന്‍ലാല്‍, കല്യാണി പ്രിയദര്‍ശന്‍ എന്നിവർ ഒന്നിക്കുന്ന ഹൃദയത്തിലെ കല്യാണിയെ കുറിച്ച് വിനീത് പറഞ്ഞ വാക്കുകളാണ് ഇപ്പോൾ ശ്രദ്ധ നേടുന്നത് .
ഒരു ഓൺലൈൻ മീഡിയയ്ക്ക് നല്‍കിയ അഭിമുഖത്തിലാണ് വിനീത് കല്യാണിയെ കുറിച്ചും ഹൃദയത്തെ കുറിച്ചും തുറന്നു സംസാരിച്ചത്. കല്യാണിയെ കുട്ടിക്കാലം തൊട്ടേ അറിയാമെന്നാണ് വിനീത് പറയുന്നത്. ഹൃദയത്തിലെ കഥാപാത്രത്തിന് ആദ്യ കാഴ്ചയില്‍ തന്നെ ഇഷ്ടം തോന്നുന്ന മുഖം വേണമെന്നുണ്ടായിരുന്നെന്നും അങ്ങനെയാണ് കല്യാണിയിലേക്കെത്തിയതെന്നും വിനീത് കൂട്ടിച്ചേര്‍ത്തു.
കല്യാണിയെ കുട്ടിക്കാലം തൊട്ടേ അറിയാം. പ്രിയനങ്കിള്‍ പണ്ട് ചെന്നൈയിലെ ഹഡോസ് റോഡിലുള്ള വന്ദനാ ടവേഴ്‌സ് എന്ന ഫ്‌ളാറ്റില്‍ താമസിച്ചിരുന്ന സമയത്ത് അച്ഛനും അതേ ബില്‍ഡിങ്ങില്‍ ഒരു ഫ്‌ളാറ്റ് ഉണ്ടായിരുന്നു. ആ സമയത്തൊക്കെ ഞാന്‍ കല്യാണിയെ കുറെ പ്രാവശ്യം കണ്ടിട്ടുണ്ട്. അവള്‍ കുട്ടിയായിരുന്നപ്പോള്‍ എടുത്ത് നടന്നിട്ടുണ്ട്.
ആദ്യ കാഴ്ചയില്‍ തന്നെ ഇഷ്ടം തോന്നുന്ന മുഖമുള്ള ഒരാളാകണം സിനിമയില്‍ വേണ്ടതെന്ന നിര്‍ബന്ധമാണ് കല്യാണിയിലെത്തിച്ചത്. വേറെ ഒരു ഓപ്ഷനും ഞാന്‍ ആലോചിച്ചിട്ടില്ല.
2019ല്‍ ഞാന്‍ കാണുന്ന സമയത്ത് കല്യാണി മലയാള സിനിമകളൊന്നും ചെയ്തിട്ടില്ല. കല്യാണിയുടെ ഒരു തെലുങ്ക് സിനിമയും മറ്റൊരു സിനിമയിലെ പാട്ടുകളുമേ ഞാന്‍ കണ്ടിട്ടുള്ളു. മലയാളികള്‍ക്ക് പെട്ടെന്ന് ഇഷ്ടമാകുന്ന ഒരു മുഖമുണ്ട് കല്യാണിക്ക്,’ വിനിത് ശ്രീനിവാസന്‍ പറഞ്ഞു.
about vineeth sreenivasan