കൊറോണയെ കുറിച്ച് ഇന്ദ്രന്‍സ് പറഞ്ഞ ഒരു തമാശയാണ് ഫേസ്ബുക്കിൽ പങ്കുവെച്ച് ഹരീഷ് പേരടി. കൊറോണ ഒരു തവണ വന്നാല്‍ വീണ്ടും വരുമോ എന്ന് ഒരു സുഹൃത്ത് ഇന്ദ്രന്‍സിനോട് സെറ്റില്‍ നിന്നും ചോദിച്ചു.
ഇതിന് ഇന്ദ്രന്‍സ് കൊടുത്ത മറുപടി കേട്ട് അദ്ദേഹത്തെ നോക്കിയപ്പോള്‍ ബഷീറിന്റെയും വികെഎന്നിന്റെയും ഒക്കെ മുഖഛായ തോന്നി എന്നാണ് ഹരീഷ് പേരടി പറയുന്നത്.
ഫെയ്സ് ബുക്ക് പോസ്റ്റ്
‘ഇന്ന് ഇന്ദ്രന്‍സ് ഏട്ടന്റെ കൂടെ അഭിനയിച്ചു കൊണ്ടിരിക്കുകയായിരുന്നു. ഇടവേളയില്‍ ഒരു സുഹൃത്ത് മൂപ്പരോട് ഇങ്ങിനെ ചോദിച്ചു. സു: കൊറോണ ഒരിക്കല്‍ വന്നാല്‍ വീണ്ടും വരുമോ? ഇ: വരും. സു: എങ്ങിനെ?. ഇ: ആദ്യം വന്നതുകൊണ്ട് അതിന് വഴിയറിയാമല്ലോ. പിന്നീട് ഞാന്‍ ഇന്ദ്രന്‍സേട്ടനെ നോക്കുമ്പോള്‍ മൂപ്പര്‍ക്ക് ബഷീറിന്റെയും വികെഎന്നിന്റെയും ഒക്കെ മുഖഛായ ഉണ്ടായിരുന്നു.’