മലയാള സിനിമകളിൽ ശ്രദ്ധിക്കപ്പെടുന്ന നിരവധി വേഷങ്ങളിലൂടെയാണ് സിന്ധു അഭിനയ രംഗത്തേക്ക് എത്തുന്നത്. ആദ്യത്തെ കണ്മണിയിലെ ഇന്ദ്രൻസിന്റെ കാമുകി ആണ് പ്രേക്ഷകർക്ക് മറക്കാൻ ഇടയില്ലാത്ത കഥാപാത്രം. മാത്രമല്ല ദൂരദർശൻ പ്രേക്ഷകർക്ക് ഒരിക്കലും മറക്കാൻ ആകാത്ത ഹിറ്റ് പരമ്പരയായിരുന്നു മാനസി. ഇന്നത്തെ തലമുറയ്ക്ക് അത്ര വേഗം ഓർമ്മവന്നില്ലെങ്കിലും 90 കാലഘട്ടത്തിൽ മധുമോഹന്റെ മാനസിയ്ക്ക് ആരാധകർ ഏറെയായിരുന്നു. മാനസി എന്ന മെഗാ പരമ്പരയിലെ നായിക ആയിരുന്നു സിന്ധു ജേക്കബ് ഇന്നത്തെ സിന്ധു ജയസൂര്യ.
ഇപ്പോഴിതാ സിന്ധുവിന്റെ ഒരു വീഡിയോ ആണ് ഇപ്പോൾ വൈറൽ ആകുന്നത്. വിശദമായി വായിക്കാം..
ടെലിവിഷൻ സീരിയലിൽ നിന്നും ചലച്ചിത്രലോകത്തെത്തിയ സിന്ധു.മാനസിക്ക് ശേഷം സ്നേഹസീമ, കുടുംബവിളക്ക്, ബഷീറിന്റെ കഥകൾ, ചക്രവാകം, മഴയാറിയാതെ തുടങ്ങിയ നിരവധി സീരിയലുകളിലാണ് സിന്ധു തിളങ്ങിയത്. കുട്ടനാട്ടുകാരിയായ സിന്ധു 1991 ലെ കലാതിലകം ആയിരുന്നു.
കുട്ടനാട്ടിലെ പുളിങ്കുന്നിനു സമീപം കായൽപ്പുറം എന്ന ചെറുദ്വീപിലാണ് സിന്ധു ജനിച്ചുവളർന്നത്. സിന്ധുവിന്റെ അച്ഛനും അമ്മയ്ക്കും എട്ടു മക്കളായിരുന്നു. രണ്ടാണും ആറു പെണ്ണും. എട്ടാമത്തെയാളാണ് സിന്ധു. തന്റെ ജീവിതത്തിൽ എന്നും ചിരി നിറയ്ക്കാനാണ് ഇഷ്ടം. കൂടെ വന്നയാളും മിമിക്രി കലാകാരൻ ആയത് കൊണ്ട് ജീവിതത്തിൽ എപ്പോഴും ചിരിയാണെന്ന് പലപ്പോഴും സിന്ധു പറഞ്ഞിട്ടുണ്ട്.
അഭിനയത്തിൽ നിന്നും അൽപ്പം ഇടവേള എടുത്തുവെങ്കിലും ഇന്ന് മലയാള സീരിയൽ പ്രേമികളുടെ ഇടയിൽ നിറസാന്നിധ്യമായി മാറുകയാണ് സിന്ധു. 25 വർഷമായി അഭിനയ രംഗത്തുള്ള സിന്ധുവിന്റെ സീതയിലെ അഭിനയം പ്രശംസനീയമാണ്. ഭർത്താവ് മിമിക്രി ആർട്ടിസ്റ്റായ ശിവസൂര്യയാണ്. വിവാഹത്തിന് ശേഷം സിന്ധു ഇപ്പോൾ തിരുവന്തപുരത്താണ് താമസം. സിന്ധു അവതരിപ്പിച്ച സീതയിലെ കഥാപാത്രം ത്രില്ലിംഗ് ആയിരുന്നു. അതേസമയം ഇന്നത്തെ ആർട്ടിസ്റ്റുകൾക്ക് പ്രൊഫഷണലിസം ഇല്ലെന്നും, ബഹുമാനം തീരെ ഇല്ലാത്ത കുട്ടികളാണെന്നും, ഇപ്പോഴത്തെ ന്യൂ ജനറേഷൻ കുട്ടികൾ വല്ലാത്ത ജനറേഷൻ തന്നെയായി പോയി. അവരുടെ കൂടെ ഒപ്പം പിടിച്ചു നിൽക്കുക പ്രയാസം ആണെന്ന് അടുത്തിടെ സിന്ധു പറഞ്ഞത് ഏറെ ചർച്ചയായിരുന്നു.
പ്രണയവിവാഹത്തെകുറിച്ച് എംജി ശ്രീകുമാറിന്റെ പറയാം നേടാം പരിപാടിയിൽ ആണ് സിന്ധു മനസ്സ് തുറന്നത്. എവിടെവച്ചാണ് ആദ്യമായി ശിവ സൂര്യയെ കണ്ടുമുട്ടിയത് എന്ന എംജിയുടെ ചോദ്യത്തിനാണ് സിന്ധു മറുപടി നൽകിയത്. പറയാൻ ആണെങ്കിൽ വലിയൊരു കഥയാണ്. ചുരുക്കി പറയാം എന്നുപറഞ്ഞു തുടങ്ങുന്ന കഥയാണ് സിന്ധു ഷോയിലൂടെ പറയുന്നത്. എന്റെ ആദ്യ ഭർത്താവ് മരിച്ചു പോയതാണ് ഭർത്താവിന്റെ സുഹൃത്തായിരുന്നു ഈ പുള്ളി. കുടുംബവുമായി നല്ല അടുപ്പം ഉണ്ടായിരുന്നു. വരുമായിരുന്നു, കാണുമായിരുന്നു. ശരിക്കും പറഞ്ഞാൽ പ്രേമം എന്ന് പറയാനാകില്ല.
എനിക്ക് ഒരു സഹായമായിരുന്നു പുള്ളിക്കാരൻ. പിന്നീട് ഹെൽപ്പ് ചെയ്തു ചെയ്തു അങ്ങനെ ഒപ്പം കൂടി. ഇന്ന വ്യക്തിക്ക് ഇയാൾ എന്നുണ്ടല്ലോ അതേപോലെയാണ് തങ്ങളുടെ ബന്ധം എന്നും സിന്ധുപറയുന്നു. എന്റെ വീട്ടുകാർ ആദ്യത്തെ ബന്ധത്തിനെതിര് ആയിരുന്നുവെങ്കിലും പക്ഷെ ഈ പുള്ളി വന്നു സോപ്പിട്ട് എല്ലാവരും ആയി നല്ല ബന്ധം ആണ് ഇപ്പോൾ അദ്ദേഹത്തിന്. ജീവിതം വളരെ എന്ജോയ് ചെയ്യുന്നുണ്ട്. ഞാൻ ഇപ്പോൾ വളരെ ഹാപ്പി ആണ് എന്നും സിന്ധു സംസാരത്തിനിടയിൽ വ്യക്തമാക്കി.
malayalam