ഉണ്ണിമേരി, തെന്നിന്ത്യൻ സിനിമാ പ്രേക്ഷകര്‍ക്ക് ഒരിക്കലും മറക്കാനാവാത്ത താരമാണ്. നീണ്ട കാലത്തെ അഭിനയ ജീവിതത്തിന് ശേഷം കുടുംബവം സുവിശേഷ പ്രചാരണവും ഒക്കെയായി മറ്റ് മേഖലകളിൽ സജീവമായ ഉണ്ണിമേരി സോഷ്യൽമീഡിയയിൽ സജീവമല്ല. ഇടയ്ക്കിടെ ചില സിനിമാതാരങ്ങളും ആരാധകരുമൊക്കെ ആകസ്മികമായി കണ്ടുമുട്ടുമ്പോൾ പകർത്തുന്ന സെൽഫി ചിത്രങ്ങളിലൂടെയാണ് അടുത്തിടെ ഉണ്ണി മേരിയുടെ പുത്തൻ ചിത്രങ്ങൾ സോഷ്യൽമീഡിയയിൽ എത്തിയിരുന്നത്. ഇന്ന് ഉണ്ണിമേരിക്ക് 59 വയസ്സായിരിക്കുകയാണ്.
ഏതാനും സിനിമാ പ്രേമികൾ താരത്തെ അടുത്തിടെ ആകസ്മികമായി കണ്ടുമുട്ടിയപ്പോൾ പകർത്തിയ സെൽഫി ചിത്രങ്ങളിലൂടെയാണ് ഉണ്ണിമേരിയുടെ പുതിയ ചിത്രങ്ങൾ അടുത്തിടെ സോഷ്യൽമീഡിയയിൽ എത്തിയത്.
ഓമനത്തം തുളുമ്പുന്ന മുഖവുമായി 1969ല്‍ നവവധുവിലൂടെയാണ് ബാലനടിയായി ഉണ്ണിമേരി സിനിമയിലേക്കെത്തിയത്. ദീപ എന്ന പേര് സിനിമയിലെത്തിയ ശേഷം ഉണ്ണിമേരി എന്നാക്കുകയായിരുന്നു. പിന്നീട് നായികാനിരയിലേക്കുയര്‍ന്ന താരം ഗ്ലാമർ വേഷങ്ങളിലൂടെയും അഭിനയപ്രാധാന്യമുള്ള കഥാപാത്രങ്ങളിലൂടേയും തെന്നിന്ത്യൻ സിനിമാലോകത്തെ താരസുന്ദരിയായി വളരുകയായിരുന്നു. കണ്ണപ്പനുണ്ണി, മഹാബലി, തിങ്കളാഴ്ച നല്ല ദിവസം, ചട്ടമ്പിക്കല്യാണി തുടങ്ങി മുന്നൂറിലേറെ സിനിമകളില്‍ അഭിനയിച്ചിട്ടുണ്ട്. ഇടക്കാലത്ത് സിനിമ വിട്ട് രാഷ്ട്രീയത്തിലേക്ക് കടന്നു. പിന്നീട് മുഴുവൻ സമയം സുവിശേഷ പ്രവർത്തകയായി, ഇപ്പോൾ കുടുംബത്തോടൊപ്പം എറണാകുളത്താണ് ഉണ്ണിമേരിയുടെ താമസം.
മലയാളത്തിനു പുറമെ തെലുങ്കിലും തമിഴിലും കന്നഡയിലുമൊക്കെ സജീവമായിരുന്നു. ഓരോ ഭാഷയിലേയും അക്കാലത്തെ സൂപ്പർ താരങ്ങളൊപ്പം അഭിനയിച്ചിട്ടുമുണ്ട്. 23 വർഷക്കാലം സിനിമാലോകത്ത് സജീവമായിരുന്നു. 1992-ൽ എന്നോടിഷ്ടം കൂടാമോ എന്ന ചിത്രത്തിലാണ് ഒടുവിലായി അഭിനയിച്ചത്. തമിഴിൽ ദീപ എന്ന പേരിലായിരുന്നു താരം അറിയപ്പെട്ടത്. കൊളേജ് അധ്യാപകനായ റെജോയുമായി 1982ലായിരുന്നു താരത്തിന്‍റെ വിവാഹം. ഇപ്പോൾ കുടുംബത്തോടൊപ്പം എറണാകുളത്ത് കലൂരിലാണ് താമസം. ഭര്‍ത്താവും മകനും മരുമകളും പേരക്കുട്ടിയും അടങ്ങുന്നതാണ് കുടുംബം. സിനിമവിട്ട ശേഷം കുറച്ച് നാൾ രാഷ്ട്രീയ പ്രവര്‍ത്തനവുമായി സജീവമായിരുന്നു. പിന്നീട് സുവിശേഷ പ്രഘോഷണത്തിൽ സജീവമാകുകയായിരുന്നു ഉണ്ണിമേരി. അഗസ്റ്റിന്‍ ഫെര്‍ണാണ്ടസ്, വിക്ടോറിയ ദമ്പതികളുടെ മകളായി 1962ലായിരുന്നു എറണാകുളത്ത് ഉണ്ണിമേരിയുടെ ജനനം. സെന്‍റ് തെരേസാസിൽ ആയിരുന്നു പഠനം. മൂന്നാം വയസ്സു മുതൽ നൃത്തം അഭ്യസിച്ചുതുടങ്ങി. ഏഴാം വയസ്സിൽ സിനിമയിലെത്തിയത്. പിന്നീട് നായികാനിരയിലേക്കുയര്‍ന്ന താരം ഇതിഹാസ താരം പ്രേംനസീറിന്‍റെ നായികയായാണ് കൂടുതല്‍ ചിത്രങ്ങളില്‍ അഭിനയിച്ചത്.
malayalam