താര കല്യാണും കുടുംബവും ഇന്ന് മലയാളി പ്രേക്ഷകര്‍ക്ക് ഏറെ പ്രിയപ്പെട്ടവരാണ്. യൂട്യൂബ് ചാനൽ തുടങ്ങിയതോടെ ഇവരുടെ എല്ലാ വിശേഷങ്ങളും ആരാധകർക്കിടയിൽ സജീവമാണ്. അടുത്തിടെയായിരുന്നു താര കല്യാണിന് തൈറോയ്ഡ് സര്‍ജറി നടത്തിയത്. ശബ്ദത്തില്‍ പ്രശ്‌നമുണ്ടെന്ന് പറഞ്ഞാണ് താര എത്തിയതെന്നും ക്യാന്‍സറിലേക്ക് പോവുന്നതിന് മുന്‍പ് തന്നെ സര്‍ജറി ചെയ്യാനായെന്നും ഡോക്ടര്‍ വ്യക്തമാക്കിയിരുന്നു.
12 ദിവസമായി താന്‍ അമ്മയ്‌ക്കൊപ്പമായിരുന്നുവെന്നും തിരിച്ച് അര്‍ജുന്റെ വീട്ടിലേക്ക് പോവുകയാണെന്നും പറഞ്ഞായിരുന്നു സൗഭാഗ്യ എത്തിയത്. അമ്മയ്ക്ക് കരച്ചില്‍ അര്‍ജുന്‍ ചേട്ടന് സന്തോഷമെന്നും സൗഭാഗ്യ പറയുന്നുണ്ടായിരുന്നു.
വീഡിയോയിലെ വിശേഷങ്ങൾ പൂർണ്ണമായി വായിക്കാം… ” പ്രത്യേകിച്ച് പ്ലാനൊന്നുമില്ലാതെ ചെയ്യുന്ന വീഡിയോയാണ്. കുറച്ച് ദിവസമായി ഞാന്‍ അമ്മയുടെ കൂടെയാണ്. ബാഗൊക്കെ പാക്ക് ചെയ്ത് എന്റെ വീട്ടിലേക്ക് പോവുകയാണ്. അമ്മയോടും കൂടെ വരാനായി പറഞ്ഞിട്ടുണ്ട്.
അമ്മയ്ക്ക് ഇവിടെ നില്‍ക്കാനാണ് ഇഷ്ടം. കാര്യങ്ങളെല്ലാം ഒറ്റയ്ക്ക് ചെയ്ത് ഇവിടെ നിന്നോളാമെന്നാണ് അമ്മ പറയുന്നത്. ഇന്നൊരു ഫൈനല്‍ തീരുമാനം എന്താണെന്ന് പറയാമെന്ന് അമ്മ പറഞ്ഞിരുന്നു. അതെന്താണെന്ന് എനിക്കറിയില്ലെന്നും സൗഭാഗ്യ പറഞ്ഞിരുന്നു.
അമ്മയെ എല്ലാ ദിവസവും കണ്ടിട്ട് പോവുമ്പോള്‍ എന്തോ പോലെയാണ്. കല്യാണം കഴിക്കുന്നതിന് മുന്‍പ് എങ്ങനെയായിരുന്നോ അതേപോലെ തന്നെയായിരുന്നു ഇവിടത്തെ ജീവിതം. സുദര്‍ശന കൂടെയുണ്ടെന്നുള്ളതാണ് ഒരേയൊരു മാറ്റം. അമ്മ വരൂലെന്ന് പറയുമ്പോള്‍ വഴക്ക് പറയരുത്, ദേഷ്യം കാണിക്കരുതെന്നൊക്കെ കരുതുമെങ്കിലും അറിയാതെ തന്നെ എനിക്ക് ദേഷ്യം വരും. ഒരാളുടെ തീരുമാനത്തെ റെസ്‌പെക്ട് ചെയ്യണം, അമ്മ ഒരു വ്യക്തിയല്ലേ ആ തീരുമാനം അംഗീകരിക്കണം എന്നൊക്കെ ഞാന്‍ മനസില്‍ പറഞ്ഞാലും ഞാന്‍ വരണോയെന്ന് അമ്മ ചോദിക്കുമ്പോള്‍ ദേഷ്യം വന്നുപോവും.
സൗഭാഗ്യയ്ക്ക് ഏറെ പ്രിയപ്പെട്ട ഭക്ഷണമായിരുന്നു താര ഉണ്ടാക്കിയത്. താരയായിരുന്നു സൗഭാഗ്യയ്ക്കും സുദര്‍ശനയ്ക്കും ചോറുവാരിക്കൊടുത്തത്. അവര്‍ക്കെത്ര വയ്യായ്ക ഉണ്ടെങ്കിലും അതൊന്നും വകവെക്കാതെ മക്കളെ കെയര്‍ ചെയ്യും, അങ്ങനെയാണ് പേരന്‍സ്, അതിലൊരുപടി മുകളിലാണ് അമ്മമാര്‍. എന്റെ അമ്മയില്‍ നിന്നും ഒത്തിരി കാര്യങ്ങള്‍ എനിക്ക് പഠിക്കാനുണ്ട്. അതുപോലെ സുദര്‍ശനയ്ക്ക് നല്ലൊരു അമ്മയാവാനുള്ള ശ്രമത്തിലാണ് ഞാന്‍.
സൗഭാഗ്യയേയും മകളേയും വിളിക്കാനായി അര്‍ജുന്‍ എത്തിയിരുന്നു. കൂടെ വരുമെന്ന് പറഞ്ഞ് അമ്മ പറ്റിച്ചില്ലേയെന്ന് ചോദിച്ചായിരുന്നു സൗഭാഗ്യ അമ്മയോട് യാത്ര പറഞ്ഞത്. കരഞ്ഞുകൊണ്ടായിരുന്നു താര മകളേയും കൊച്ചുമകളേയും യാത്രയാക്കിയത്. ചിരിച്ച മുഖത്തോടെ ടാറ്റ തന്നേയെന്നായിരുന്നു സൗഭാഗ്യ പറഞ്ഞത്.
about soubhagya venkitesh