ഗോപി സുന്ദറിനും അമൃത സുരേഷും പുതിയൊരു ജീവിതം തുടങ്ങിയിരിക്കുകയാണ്. ഇരുവരും ആദ്യമായി ഒരു യുട്യൂബ് ചാനലിന് നൽകിയ അഭിമുഖത്തിൽ പാപ്പുവിന്റെ വിശേഷങ്ങള്‍ പങ്കുവെച്ചിരിക്കുകയാണ്.
അമൃതയുടെ മകളായ പാപ്പുവും തന്നെ അംഗീകരിച്ചുവെന്നും അത് സ്വഭാവികമായി സംഭവിച്ച കാര്യമാണെന്നാണ് ഗോപി സുന്ദർ പറയുന്നത്. അമ്മയുടെ ജീവിതത്തിൽ നോർമ്മലി ഉള്ളൊരു വ്യക്തിയല്ല അദ്ദേഹം എന്ന് മനസിലാക്കാനായി അവൾക്ക് സമയം കൊടുത്തിരുന്നുവെന്നും, അവളത് മനസിലാക്കിയെന്നും അമൃതയും വ്യക്തമാക്കിയിട്ടുണ്ട്.
സീറോ ബാലന്‍സ് അക്കൗണ്ടും പാപ്പുവിന്റെ കൈയ്യും പിടിച്ചാണ് ഇറങ്ങിയതെന്ന് മുന്‍പ് അമൃത പറഞ്ഞിരുന്നു. അതൊരു ലേണിങ് ഫേസായിരുന്നു. നമ്മുടെ കൈയ്യില്‍ വരുന്ന കാര്യങ്ങളും അതിന്റെ വാല്യൂവുമൊക്കെ അറിയണമെങ്കില്‍ കുറച്ച് ദുരിതങ്ങളിലൂടെ എല്ലാവരും പോവണമെന്നുള്ളതാണ് എനിക്ക് തോന്നുന്നത്. ടഫ് എന്ന് തോന്നുമെങ്കിലും ലേണിങ് ഫേസായാണ് ഞാന്‍ അതിനെ കാണുന്നതെന്ന് അമൃത പറയുന്നു.
കുടുംബത്തിലെല്ലാവരും എന്നെ അങ്കൂട്ടന്‍ എന്നാണ് വിളിക്കുന്നത്. മോള്‍ വിളിക്കുന്നത് അങ്കോണ്ട എന്നാണ്. അവള്‍ക്ക് എല്ലാത്തിനോടുമൊരു ഓണ്ട ചേര്‍ക്കുന്ന സ്വഭാവമുണ്ട്. മമ്മോണ്ട, അഭിയോണ്ട എന്നൊക്കെയാണ് വിളിക്കുന്നത്. ഇടയ്ക്ക് ഞാനവളെ വഴക്ക് പറഞ്ഞപ്പോള്‍ മമ്മി നോക്കിക്കോ, ഞാനിത് അങ്കോണ്ടയുടെ അടുത്ത് പറഞ്ഞുകൊടുക്കുന്നുണ്ട്. എങ്ങനെ അടുത്തു എന്നറിയില്ല, ഞങ്ങള്‍ നല്ല ഫ്രണ്ട്‌ലിയാണ്. ഓട്ടോമാറ്റിക്കലി സംഭവിച്ച കാര്യമാണ് അതെന്നായിരുന്നു ഗോപി സുന്ദർ പറഞ്ഞത്.
പാപ്പുവുമായി റാപ്പോ ഉണ്ടാക്കാനൊന്നും നോക്കിയിട്ടില്ല ഞാന്‍. ഞാനങ്ങനെ ഒന്നും പിടിച്ച് വാങ്ങിക്കുന്നയാളല്ല. അതങ്ങനെ സ്വഭാവികമായി സംഭവിച്ചതാണ്. ആരേയും ഇംപ്രസ് ചെയ്യാന്‍ ശ്രമിക്കാതെ എന്റേതായ രീതിയില്‍ ജീവിച്ച് പോവാന്‍ ശ്രമിക്കുന്നയാളാണ്. മോള്‍ക്ക് മോളുടേതായ ചോയ്‌സുണ്ടല്ലോ, അവളുടേതായ രീതിയില്‍ അവളെന്നെ ആസപ്റ്റ് ചെയ്തിട്ടുണ്ട്. അവള്‍ നല്ല ഹാപ്പിയാണ്.
ഞങ്ങളങ്ങനെ മൂന്നുപേരുമായി ഒരു മീറ്റിംഗൊന്നുമുണ്ടായിരുന്നില്ല. അതങ്ങ് സംഭവിക്കുകയായിരുന്നു. അവളും ഞങ്ങളുടെ ദിനചര്യയുടെ ഭാഗമായി മാറുകയായിരുന്നു. നമ്മള്‍ പോലുമറിയാതെ നമ്മളെല്ലാവരും ചേര്‍ന്ന് പോവുകയായിരുന്നു. അങ്ങനെയൊരു പോസ്‌റ്റോ പ്രൊസീജിയറോ ഉണ്ടായിരുന്നില്ല. അവള്‍ കുട്ടിയായത് കൊണ്ടും പുതിയൊരാളെ അവള്‍ ആസപ്റ്റ് ചെയ്യണമെന്നുള്ളത് കൊണ്ടും അവള്‍ക്ക് അവളുടേതായ സമയം കൊടുത്തിരുന്നു. ഈയൊരു വ്യക്തി എന്റെ ലൈഫില്‍ നോര്‍മ്മലി ഉള്ളൊരാളല്ലെന്ന് അവള്‍ മനസിലാക്കണമായിരുന്നു. അതിന് വേണ്ടിയാണ് ഞാന്‍ മമ്മിക്കൊരു ലവുണ്ടെന്ന് ഹിന്റ് കൊടുത്തത്. ഇതാണ് ആള്‍ എന്ന് പറഞ്ഞ് പരിചയപ്പെടുത്തിയിട്ടില്ല. അവള്‍ക്ക് ഭയങ്കര ഇഷ്ടമാണ് ചേട്ടനെയെന്നും അമൃത സുരേഷ് പറഞ്ഞിരുന്നു.
എന്റെ ബെസ്റ്റ് ഫ്രണ്ടാണ് പാപ്പു. എല്ലാ കാര്യങ്ങളെക്കുറിച്ചും അവളോട് സംസാരിക്കാറുണ്ട്. പ്രായത്തിനേക്കാൾ കൂടുതൽ പക്വതയുള്ള കുട്ടിയാണ് അവൾ. ഗോപി സുന്ദറുമായുള്ള പ്രണയം തുടങ്ങിയ സമയത്ത് തന്നെ അവളോട് മമ്മിക്കൊരു ലവുണ്ടെന്ന് പറഞ്ഞിരുന്നു. എനിക്കൊന്ന് നോക്കണമെന്നായിരുന്നു അവൾ പറഞ്ഞത്. പിന്നെയായി അവൾ ഓക്കെ പറയുകയായിരുന്നു. മമ്മിയുടെ സന്തോഷമാണ് തനിക്കേറെ പ്രധാനപ്പട്ടതെന്ന് അവളെപ്പോഴും പറയാറുണ്ടെന്നും അമൃത പറയുന്നു