കസ്തൂരിമാനിലെ ജീവയായി എത്തി മിനി സ്‌ക്രീൻ പ്രേക്ഷകരുടെ ഇഷ്ട്ട താരമാവുകയായിരുന്നു ശ്രീറാം രാമചന്ദ്രൻ. സീരിയലിലെ കാവ്യ- ജീവ പ്രണയജോഡികളോട് ഇപ്പോഴും ഒരു പ്രത്യേക ഇഷ്ട്ട കൂടുതലാണ്. കാവ്യയ്ക്കും ജീവക്കും ഇരട്ടക്കുട്ടികള്‍ ജനിക്കുന്നതും ഇരുവരും പിരിഞ്ഞ് താമസിക്കുന്നതുമൊക്കെയാണ് കഥാഗതി. പരമ്പര വിജയകരമായി മുന്നേറികൊണ്ടിരിക്കുകയാണ്. സോഷ്യൽ സജീവമായ ശ്രീറാം തന്റെ വിശേഷങ്ങൾ ആരാധകരുമായി പങ്കുവെയ്ക്കാറുണ്ട്
ഇപ്പോൾ ജീവിത നായികയ്ക്ക് ഒപ്പമുള്ള ഒരു ചിത്രവും അതിനു അദ്ദേഹം നൽകിയ ക്യാപ്‌ഷനും ആണ് ശ്രദ്ധിക്കപെടുന്നത്. ഒരു ചാനൽ പരിപാടിയിൽ പങ്കെടുക്കാൻ എത്തുന്നതിന്റെ സൂചന ആയിട്ടാണ് ശ്രീറാം ചിത്രം പങ്ക് വച്ചത്. വാലന്റൈൻ സ്പെഷ്യൽ എപ്പിസോഡിൽ ആണ് ഇരുവരും ഒന്നിച്ചു ഷോയ്ക്ക് എത്തുന്നത് എന്നാണ് സൂചന.
വന്ദിതയുമായി പ്രണയ വിവാഹം ആയിരുന്നു ശ്രീറാമിന്റേത്. അതുകൊണ്ടുതന്നെ ഇപ്പോഴും ഓരോ ദിവസവും ഞാൻ നിന്നിലേക്ക് വീണുപോകുകയാണ് എന്ന ക്യാപ്ഷ്യനോടെയാണ് താരം ചിത്രം പങ്ക് വച്ചത്. 2012 ലാണ് വന്ദിത ശ്രീറാമിന്റെ ജീവിതത്തിലേക്ക് കടന്നുവരുന്നത്. കോളജ് പഠനശേഷമാണ് തങ്ങൾ കണ്ടുമുട്ടുന്നതും പ്രണയത്തിലാകുന്നതെന്ന് ശ്രീറാം മുൻപ് വ്യക്തമാക്കിയിട്ടുണ്ട്.