ഒഡിയ സിനിമയിലെ പ്രമുഖ നടന് റായിമോഹന് പരീദയെ വീട്ടില് തൂങ്ങിമരിച്ച നിലയില് കണ്ടെത്തി. അദ്ദേഹത്തിന് 58 വയസ്സായിരുന്നു. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം.
ഇന്നു രാവിലെ കുടുംബാംഗങ്ങളാണ് വീടിന്റെ മേല്ക്കൂരയില് തൂങ്ങിയ നിലയില് പരിദയെ കണ്ടത്. പരിദയ്ക്ക് ഭാര്യയും രണ്ടു പെണ്മക്കളുമാണ് ഉള്ളത്.
ആത്മഹത്യയാണെന്നാണ് പ്രാഥമിക നിഗമനമെങ്കിലും വിശദ അന്വേഷണം നടത്തുമെന്ന് പൊലീസ് പറഞ്ഞു. മൃതദേഹം പോസ്റ്റ് മോര്ട്ടത്തിന് അയച്ചതായും പൊലീസ് അറിയിച്ചു.
നൂറിലേറെ ഒഡിയ ചിത്രങ്ങളില് അഭിനയിച്ചിട്ടുള്ള പരിദ ബംഗാളി സിനിമയിലും സജീവമായിരുന്നു. നിരവധി പേരാണ് ഇതിനോടകം താരത്തിന് അന്തിമോപചാരം അര്പ്പിച്ച് എത്തിയത്.