തെന്നിന്ത്യയാകെ ഇളക്കി മറിച്ചിരിക്കുകയാണ് കമല്ഹസന് നായകനായി എത്തിയ വിക്രം. ലോകേഷ് കനകരാജ് സംവിധാനത്തില് പുറത്തെത്തിയ ചിത്രത്തില് കമലിനൊപ്പം ഫഹദ് ഫാസില്, വിജയ് സേതുപതി, ചെമ്പന് വിനോദ്, നരെയ്ന്, കാളിദാസ് ജയറാം എന്നിവരും എത്തുന്നുണ്ട്. കേരളത്തിലും വന് പ്രദര്ശനവിജയമാണ് നേടിയത്.
ഇപ്പോഴിതാ ചിത്രത്തിന്റെ സംവിധായകന് ലോകേഷ് കനകരാജും സംഗീത സംവിധാകന് അനിരുദ്ധും കേരളത്തില് എത്തിയിരിക്കുകയാണ്. ചിത്രം പ്രദര്ശിപ്പിക്കുന്ന തൃശൂര് രാഗം തിയേറ്ററിലാണ് ഇരുവരും എത്തിയത്. ഇരുവരും എത്തിയതറിഞ്ഞ് സിനിമാപ്രേമികളുടെ വലിയ സംഘമാണ് മണിക്കൂറുകള്ക്ക് മുന്പ് ഇരുവരെയും കാത്ത് അണിനിരന്നത്.
ചലച്ചിത്ര താരങ്ങളെ കാണാന് എപ്പോഴും വലിയ ജനാവലി ഉണ്ടാവാറുണ്ടെങ്കിലും ഒറു സംവിധായകനെ കാണാന് പ്രേക്ഷകര് ഇത്ര ആവേശത്തോടെ എത്തുന്നത് അപൂര്വ്വമാണ്. 10 ദിവസം കൊണ്ട് കേരളത്തില് നിന്നു മാത്രം ചിത്രം 31 കോടിയാണ് നേടിയത്. ഇപ്പോഴും വിജയകരമായി പ്രദര്ശനം തുടരുകയാണ്.
ആഗോള ബോക്സ് ഓഫീസില് 300 കോടി പിന്നിട്ടിരിക്കുകയാണ് ചിത്രം. വെറും 10 ദിനങ്ങളിലാണ് ചിത്രത്തിന്റെ ഈ അവിസ്മരണീയ നേട്ടം. 2019നു ശേഷം ഒരു തമിഴ് ചിത്രം ആദ്യമായാണ് 300 കോടി ക്ലബ്ബില് ഇടംപിടിക്കുന്നത്. ഇന്ത്യയില് നിന്നു മാത്രം 210 കോടിയാണ് ചിത്രത്തിന്റെ നേട്ടം. തമിഴ്നാട്ടില് നിന്നു മാത്രം 127 കോടിയാണ് വിക്രം ഇതിനകം നേടിയിരിക്കുന്നത്.