സെലിബ്രിറ്റി ഫാഷന് ഡിസൈനര് ആയ പ്രത്യുഷ ഗരിമെല്ലയെ ദുരൂഹ സാഹചര്യത്തില് വീടിനുള്ളില് മരിച്ച നിലയില് കണ്ടെത്തി. ഹൈദരാബാദിലെ ബഞ്ചാരാ ഹില്സിലെ വീട്ടിലാണ് പ്രത്യുഷയെ മരിച്ച നിലയില് കണ്ടെത്തിയത്. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം.
ശുചിമുറിയില് കിടക്കുന്ന നിലയിലാണ് മൃതദേഹം കണ്ടെത്തിയതെന്ന് പൊലീസ് അറിയിച്ചു. പ്രത്യുഷയുടെ മുറിയില് നിന്ന് കാര്ബണ് മോണോക്സൈഡിന്റെ സിലിണ്ടര് കണ്ടെത്തി. മരണത്തില് ദുരൂഹതയുണ്ടെന്നു കാട്ടി ബഞ്ചാരാ പൊലീസ് സ്റ്റേഷനില് കേസ് രജിസ്റ്റര് ചെയ്തിട്ടുണ്ട്.
പ്രത്യുഷ ഗാരിമെല്ല എന്ന പേരില് ബഞ്ചാരാ ഹില്സില് സ്വന്തമായി ഫാഷന് സ്റ്റുഡിയോ നടത്തുകയാണ് ഇവര്. ബോളിവുഡിലെയും ടോളിവുഡിലെയും നിരവധി പേരുടെ ഫാഷന് ഡിസൈനറാണ്. യുകെയില് ബിരുദാനന്തര ബിരുദം പൂര്ത്തിയാക്കിയ പ്രത്യുഷ ആദ്യം അച്ഛന്റെ ബിസിനസില് പങ്കാളിയായെങ്കിലും പിന്നീട് ഫാഷന് ലോകത്തേക്ക് തിരിയുകയായിരുന്നു.