ഇന്ന് നവമാധ്യമങ്ങളിലും സോഷ്യൽ മീഡിയയിലും ഒരുപോലെ ശ്രദ്ധ നേടുന്നത് നയൻ‌താരയുടെ വിവാഹം ആണ്. തെന്നിന്ത്യൻ ലേഡി സൂപ്പർ സ്റ്റാർ നയൻതാരയും സംവിധായകൻ വിഘ്നേഷും വിവാഹിതരായതിനു പിന്നാലെ ആരാധകരും സുഹൃത്തുക്കളും സഹപ്രവർത്തകരുമൊക്കെ ആശംസകളറിയിക്കുകയാണ്.
വിവാഹത്തിൻ്റെ ഭാഗമായി വിഘ്നേഷിന് നയൻസ് സമ്മാനിച്ചത് 20 കോടിയുടെ ഫ്ലാറ്റും വിഘ്നേഷിൻ്റെ സഹോദരിയ്ക്ക് 30 പവൻ്റെ സ്വർണ്ണവുമാണ് എന്നൊക്കെയാണ് പ്രചരിക്കുന്ന റിപ്പോർട്ടുകൾ. ഇപ്പോഴിതാ നയൻതാരയെ പണ്ട് ഒരുക്കാൻ സാധിച്ചതിൻ്റെ സന്തോഷം പങ്കുവെച്ച് രംഗത്ത് വന്നിരിക്കുകയാണ് സെലിബ്രിറ്റി മേക്കപ്പ് ആർട്ടിസ്റ്റ് അനില ജോസഫ്.
സോഷ്യൽ മീഡിയയിൽ വളരെ സജീവമായ അനില തൻ്റെ ഇൻസ്റ്റാഗ്രാമിലൂടെയാണ് തൻ്റെ നയൻതാരയ്ക്കൊപ്പം പ്രവർത്തിച്ചതിൻ്റെ എക്സ്പീരിയൻസും പറഞ്ഞ് കൊണ്ട് നവദമ്പതികൾക്ക് ആശംസകൾ നേർന്നത്.
ലേഡി സൂപ്പർ സ്റ്റാർ നയൻതാരയ്ക്കൊപ്പം എന്ന് കുറിച്ചുകൊണ്ട് നയൻതാരയെ മേയ്ക്കപ്പ് ചെയ്യുന്നതിൻ്റെ ചിത്രവും അനില പങ്കുവെച്ചിട്ടുണ്ട്. ഒരുപാട് സെലിബ്രിറ്റികൾക്കും ഒരുപാട് സുന്ദരികൾക്കും മേക്കപ്പ് ചെയ്യാനുള്ള ഭാഗ്യം എനിക്കുണ്ടായിട്ടുണ്ടെന്ന് അനില കുറിച്ചിരിക്കുന്നു. തൻ്റെ മേയ്ക്കപ്പ് ഇൻഡസ്ട്രിയിലെ പ്രവർത്തി പരിചയത്തെ ഉദ്ദേശിച്ച് കൊണ്ട് 36 വർഷത്തെ ചാലഞ്ചാണ് ഇതെന്നും അനില കുറിച്ചിരിക്കുന്നു.
എനിക്ക് ഇപ്പോഴും അയഥാർത്ഥമായി തോന്നുന്ന അനുഭവങ്ങൾ തൻ്റെ ഈ കരിയർ കാലയളവ് തനിക്ക് നൽകി. ഒരു സ്വപ്നത്തിൽ ജീവിക്കാൻ എന്നെ അനുവദിച്ച ഒരു കരിയറാണിതെന്നും അനില പറയുന്നുണ്ട്.
ഇപ്പോൾ പോലും തനിക്ക് തൻ്റെ ജോലിയോടും കരിയറിനോടുമുള്ള അഭിനിവേശം തുടരുകയാണെന്നും അത് ഇനിയും ആഴത്തിലേക്ക് പോകുമെന്നും താൻ ഭാഗ്യവതിയാണെന്നും ഇതൊക്കെ ഒരു ഭാഗ്യം തന്നെയാണെന്നും അനില കുറിച്ചിരിക്കുന്നു.നിരവധി പേരാണ് അനിലയുടെ കുറിപ്പ് പങ്കുവെച്ചിരിക്കുന്നത്.
about nayanthara