യുവ താരം നിഖില്‍ സിദ്ധാര്‍ത്ഥയെ പ്രധാന കഥാപാത്രമാക്കി പ്രശസ്ത എഡിറ്റര്‍ ഗാരി ബിഎച്ച് ആദ്യമായി സംവിധാനം ചെയ്യുന്ന ചിത്രമായ ‘സ്‌പൈ’യുടെ ഫസ്റ്റ് ലുക്ക് പുറത്തിറങ്ങി.. ഇഡി എന്‍ട്രൈന്‍മെന്റിന്റെ ബാനറില്‍ കെ രാജ ശേഖര്‍ റെഡ്ഡി നിര്‍മ്മിക്കുന്ന ചിത്രത്തിന്റെ ഷൂട്ടിംഗ് ഇപ്പോള്‍ പുരോഗമിക്കുകയാണ്.
ചിത്രത്തില്‍ നിഖില്‍ ഒരു ടജഥ ആയിട്ടാണ് വേഷമിടുന്നത്.. വളരെ കൗതുകകരമായ രീതിയിലാണ് ചിത്രത്തിന്റെ ടൈറ്റില്‍ രൂപകല്‍പ്പനയുടെ ചെയ്തിരിക്കുന്നത്.. തോക്കുകള്‍, ബുള്ളറ്റുകള്‍, സ്നിപ്പര്‍ ഗണ്‍ സ്‌കോപ്പ് എന്നിവ ടൈറ്റിലില്‍ കാണാന്‍ സാധിക്കുന്നുണ്ട്.. കറുത്ത ടീ-ഷര്‍ട്ടും കറുത്ത ജാക്കറ്റും കറുത്ത കാര്‍ഗോ പാന്റും ക്ലാസിക് ഏവിയേറ്റേഴ്സും ധരിച്ച നിഖില്‍ കയ്യില്‍ ഒരു ഷോട്ട്ഗണുമായി സ്‌റ്റൈലിഷ് ലുക്കില്‍ ആണുള്ളത്..
തെലുങ്ക്, ഹിന്ദി, തമിഴ്, മലയാളം, കന്നഡ എന്നീ അഞ്ച് ഭാഷകളിലായി തിയേറ്ററുകളില്‍ റിലീസ് ചെയ്യുന്ന ഈ ചിത്രം ഒരു വലിയ ആക്ഷന്‍ എന്റര്‍ടെയ്നര്‍ കൂടിയാണ്.. ഗാരി ബിഎച്ച് തന്നെയാണ് ചിത്രത്തിന്റെ എഡിറ്റിങ്.. നിര്‍മാതാവായ കെ രാജ ശേഖര്‍ റെഡ്ഡിയും ചേര്‍ന്നാണ് കഥ രചിച്ചിരിക്കുന്നത്..
കുറച്ചു നാളത്തെ ഇടവേളയ്ക്ക് ശേഷം സിനിമയിലേക്ക് തിരിച്ചുവരുന്ന ആര്യന്‍ രാജേഷും ഈ ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നണ്ട്.. ഐശ്വര്യ മേനോന്‍ നായിക.. സന്യ താക്കൂര്‍ ഒരു പ്രധാന കഥാപാത്രത്തെ അവതരിപ്പിക്കുന്നു.
പ്രശസ്ത ബോളിവുഡ് ഛായാഗ്രാഹകന്‍ കെയ്കോ നകഹാരയും ഹോളിവുഡ് ഡിഒപി ജൂലിയന്‍ അമരു എസ്ട്രാഡയുമാണ് ഈ ചിത്രത്തിന്റെ ക്യാമറാ കൈകാര്യം ചെയ്യുന്നത്. ഹോളിവുഡ് സ്റ്റണ്ട് ഡയറക്ടര്‍ ലീ വിറ്റേക്കറും റോബര്‍ട്ട് ലീനനും ആക്ഷന്‍ സീക്വന്‍സുകളുടെ മേല്‍നോട്ടം വഹിക്കുന്നു. പി ആര്‍ ഓ-എ എസ് ദിനേശ്,ശബരി.