ഗായികയായി മലയാളി പ്രേക്ഷകര്‍ക്ക് സുപരിചിതയായ വ്യക്തിയാണ് അഭിരാമി സുരേഷ്. സോഷ്യല്‍ മീഡിയയില്‍ വളരെ സജീവമായ താരം ഇടയ്ക്കിടെ തന്റെ ചിത്രങ്ങളും വിശേഷങ്ങളും എല്ലാം തന്നെ പങ്കുവെച്ച് എത്താറുണ്ട്. അവയെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്.
ഇപ്പോഴിതാ ഒരു അഭിമുഖത്തില്‍ തന്നെ വെറുക്കുന്ന ഹേറ്റേഴ്സിനോട് എന്താണ് പറയാനുള്ളതെന്ന ചോദ്യത്തിന് അഭിരാമി പറഞ്ഞ മറുപടിയാണ് വൈറലായി മാറിയിരിക്കുന്നത്. ഹേറ്റേഴ്സിനോട് സംസാരിച്ച് ഊര്‍ജം കളയാന്‍ താല്‍പര്യമില്ലെന്നും വെറുക്കുന്നവര്‍ വെറുത്തോട്ടെയെന്നുമാണ് അഭിരാമി പറയുന്നത്.
ഒരാളെ വെറുക്കാന്‍ വളരെ എളുപ്പത്തില്‍ സാധിക്കുമെന്നും അതേസമയം സ്നേഹിക്കാന്‍ പെട്ടന്നൊന്നും എല്ലാവര്‍ക്കും കഴിഞ്ഞെന്ന് വരില്ലെന്നും അഭിരാമി പറയുന്നു. കഴിഞ്ഞ ദിവസം ചേച്ചി അമൃത ഗോപി സുന്ദറുമായി പ്രണയത്തിലാണെന്ന് വെളിപ്പെടുത്തിയപ്പോള്‍ വന്ന നെഗറ്റീവ് കമന്റുകളോടും ശക്തമായി പ്രതികരിച്ച് അഭിരാമി രംഗത്തെത്തിയിരുന്നു.
‘നമുക്ക് വ്യക്തിപരമായി പരിചയമില്ലാത്ത ആളുകളുടെ കഥകള്‍ സോഷ്യല്‍ മീഡിയയില്‍ നമ്മള്‍ കാണുന്ന കാര്യങ്ങള്‍ എന്നിവ അന്വേഷിക്കരുത്’ എന്നാണ് അഭിരാമി ചേച്ചി അമൃതയ്ക്കും ഗോപി സുന്ദറിനുമെതിരെ നെഗറ്റീവ് പറയുന്നവര്‍ അറിയാനായി കുറിച്ചത്.
‘പിന്നിട്ട കാതങ്ങള്‍ മനസില്‍ കുറിച്ച് അനുഭവങ്ങളുടെ കനല്‍വരമ്ബ് കടന്ന് കാലവും കാറ്റും പുതിയ വഴികളിലേക്ക്’ എന്നായിരുന്നു പ്രണയം വെളിപ്പെടുത്തി ഗോപി സുന്ദറും അമൃത സുരേഷും കുറച്ച് ദിവസം മുമ്ബ് സോഷ്യല്‍മീഡിയയില്‍ കുറിച്ചത്.