സിനിമാ പ്രേക്ഷകർക്കും മിനി സ്ക്രീൻ പ്രേക്ഷകർക്കും ഒരുപോലെ സുപരിചിതയായ അഭിനേത്രിയാണ് സ്വാസിക. വളരെക്കുറച്ചു സിനിമകളിലൂടെയാണെങ്കിലും മികച്ച നായികയാകാൻ സ്വാസികയ്ക്ക് സാധിച്ചിട്ടുണ്ട്. ഇപ്പോഴിതാ ആരാധകരെ ഒന്നടങ്കം അമ്പരപ്പിക്കുന്ന വിശേഷമാണ് സ്വാസികയുടേതായി വൈറലാകുന്നത്.
ഹാരിയറിന്റെ എക്സ് ടിഎ പ്ലസ് ഡാർക്ക് എഡിഷൻ സ്വന്തമാക്കിയിരിക്കുകയാണ് സ്വാസിക. എണ്ണക്കറുപ്പിന്റെ ഏഴഴകാണ് ടാറ്റ ഹാരിയർ ഡാർക്ക് എഡിഷന്. പുറത്തിറങ്ങിയ നാൾ മുതൽ ടാറ്റയുടെ ഷോറൂമിലെ ഏറ്റവും വലിയ ആകർഷണങ്ങളിലൊന്നാണ് ഡാർക്ക് എഡിഷൻ ,
ഏകദേശം 19.75 ലക്ഷം രൂപയാണ് വാഹനത്തിന്റെ എക്സ്ഷോറൂം വില. അറ്റ്ലസ് ബ്ലാക്ക് നിറത്തിനൊപ്പം അകത്തളത്തിലും കറുപ്പിന്റെ അഴക് നിറയുന്നതാണ് ഡാർക്ക് എഡീഷന്റെ സവിശേഷത. പുറത്തെ കൃത്രിമ സ്കിഡ് പ്ലേറ്റ്, ഗ്രേ ഹെഡ്‌ലാംപ് ഇൻസർട്ട് എന്നിവയ്ക്കൊപ്പം 17 ഇഞ്ച് അലോയ് വീലിനും കറുപ്പ് നിറമാക്കിയിട്ടുണ്ട്. മുൻ ഫെൻഡറിൽ ഡാർക്ക് എന്നു രേഖപ്പെടുത്തിയ പ്രത്യേക ബാഡ്ജും ഇടംപിടിക്കുന്നുണ്ട്.
അകത്തളത്തിലും കറുപ്പ് മയമാണ്, ഡാഷ്ബോഡിൽ കാഴ്ചയിൽ തടിയെന്നു തോന്നിക്കുന്ന ഇൻസർട്ടുകളുണ്ടായിരുന്നത് ബ്ലാക്സ്റ്റോൺ മാട്രിക്സ് ഇൻസർട്ടിനു വഴിമാറി. ഡാഷ്ബോഡിനു കുറുകെയുള്ള ഹ്യുമാനിറ്റി ലൈനാവട്ടെ ഗൺമെറ്റൽ ഗ്രേ ഫിനിഷിലാക്കി. ലതററ്റ് സീറ്റ്, ഡോർ ഇൻസർട്ട് എന്നിവയൊക്കെ കറുപ്പാക്കി. കൂട്ടിനു കോൺട്രാസ്റ്റിങ് ഗ്രേ സ്റ്റിച്ചിങ്ങുമുണ്ട്. ഡോർ ഹാൻഡിലുകൾക്കാവട്ടെ പെർഫൊറേറ്റഡ് ബ്ലാക്ക് ലതർ ഫിനിഷാണു നൽകിയിരിക്കുന്നത്.
സെഡ് എക്സിലെ സൗകര്യങ്ങളും സംവിധാനങ്ങളുമൊക്കെയായിട്ടാണു ഹാരിയർ ഡാർക് എഡീഷന്റെ വരവ്. സാധാരണ ഹാരിയറിലെ രണ്ടു ലീറ്റർ, ക്രയോടെക് ഡീസൽ എൻജിൻ തന്നെയാണു ഡാർക് എഡീഷനിലുമുള്ളത്. 140 ബി എച്ച് പി കരുത്തും 350 എൻഎം ടോർക്കുമാണ് ഈ എൻജിൻ സൃഷ്ടിക്കുക. ആറു സ്പീഡ് ഓട്ടമാറ്റിക് ഗീയർബോക്സാണു ട്രാൻസ്മിഷൻ. സ്വാസികയുടെ ചിത്രങ്ങളും വൈറലാകുന്നുണ്ട്.
about swasika